କନକ ବ୍ୟୁରୋ: ଭାଇର ହତ୍ୟାର ପ୍ରତିଶୋଧ ନେବାକୁ ଯାଇ ନିଜେ ହତ୍ୟାର ଶିକାର ହେଲେ ଯୁବକ । ଏଭଳି ଏକ ହତ୍ୟାକାଣ୍ଡ ଘଟିଛି ରାୟଗଡ଼ା ଜିଲ୍ଲା ମୁନିଗୁଡା ଥାନା ନିୟମଗିରିରେ ଥିବା କୁଲେରିପେଟା ଗାଁରେ । ଗତ ୨୦୨୧ ମସିହାରେ ମୃତକଙ୍କ ଭାଇକୁ ନିଜ ଗାଁର ତିନିଜଣ ମିଶି ହତ୍ୟା କରିଥିବା ବେଳେ ହତ୍ୟାକାଣ୍ଡର ପ୍ରତିଶୋଧ ନେବାକୁ ଯୋଜନା କରିଥିଲେ ମୃତକ ଡ୍ରୁକୁ ଶିକ୍‌କା । ଗତ ବୁଧବାର ଦିନ ବୁଟୁକୁ ସିକକା ଓ ଲଖନ ସିକକାଙ୍କୁ ଗାଁ ନିକଟ ଜଙ୍ଗଲରେ ଦେଖିବା ପରେ ମୃତକ ଉକ୍ଷିପ୍ତ ହୋଇ ଟାଙ୍ଗିଆରେ ଆକ୍ରମଣ କରିବାକୁ ଉଦ୍ୟମ କରିଥିଲା । ଏହି ସମୟରେ ଉଭୟ ଅଭିଯୁକ୍ତ ମୃତକଙ୍କ ଠାରୁ ଟାଙ୍ଗିଆ ଛଡାଇନେଇ ସେହି ଟାଙ୍ଗିଆରେ ହତ୍ୟାକାଣ୍ଡ ଘଟାଇଥିଲେ । 

Advertisment