ବିିଶ୍ୱାସରେ ବିଷ ଦେଲା ଭିଣୋଇ ; ନାବାଳିକା ଶାଳୀକୁ ଦୁଷ୍କର୍ମ କରି କଲା ଗର୍ଭବତୀ

କନକ ବ୍ୟୁରୋ: ବିଶ୍ୱାସରେ ବିଷ ଦେଲେ ଭିଣୋଇ । ନାବାଳିକା ଶାଳୀକୁ ନିଶା ଦେଇ ବାରମ୍ୱାର ଦୁଷ୍କର୍ମ କରିଥିବା ଅଭିଯୋଗ । ଏଭଳି ଅଭିଯୋଗ ଆସିଛି ମାଲକାନଗିରି ଜିଲ୍ଲା ଏମଭି ୭୯ ଥାନା ଅଞ୍ଚଳରୁ । ନିଶା ଦେଇ ନାବାଳିକା ଶାଳୀକୁ ବାରମ୍ୱାର ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି ।  ଏନେଇ ପୀଡିତାଙ୍କ ମାଆ ଥାନାରେ ଅଭିଯୋଗ କରିବା ପରେ ଅଭିଯୁକ୍ତ ଅମିତ ବିଶ୍ୱାସକୁ ଗିରଫ କରିଛି ଏମଭି ୭୯ ଥାନା ପୋଲିସ । 

ଅଭିଯୋଗ ଅନୁସାରେ, ନାବାଳିକା ଶାଳୀକୁ ଆନ୍ଧ୍ରକୁ କାମ କରାଇବାକୁ ନେଇ ଅଭିଯୁକ୍ତ ଆନ୍ଧ୍ରପ୍ରଦେଶ ଯାଇଥିଲେ । ଆନ୍ଧ୍ରରେ ଶାଳୀକୁ ନିଶା ଦେଇ ବାଲମ୍ୱାର ଦୁଷ୍କର୍ମ କରିଥିଲେ ଅଭିଯୁକ୍ତ ଅମିତ ବିଶ୍ୱାସ । ନାବାଳିକା ଜଣକ ଗର୍ଭବତୀ ହୋଇଥିବା ଜାଣିବା ପରେ ପୀଡିତାଙ୍କ ମାଆ ତଥା ଅଭିଯୁକ୍ତଙ୍କ ଶାଶୂ ଏମଭି ୭୯ ଥାନାରେ ଅଭିଯୋଗ କରିଥିଲେ । ପୋଲିସ ଅଭିଯୁକ୍ତକୁ ଗିରଫ କରି ତଦନ୍ତ ଚଳାଇଛି । ପୋକ୍ସୋ ଆକ୍ଟରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ପୋଲିସ ।