କନକ ବ୍ୟୁରୋ: ରାଖୀ ପୂର୍ଣ୍ଣିମାରେ ଅଘଟଣ । ଭଉଣୀ ଘରକୁ ଆସି କେନାଲରେ ବୁଡ଼ିଗଲେ ଭାଇ । ଜଗତସିଂହପୁର କୁଜଙ୍ଗ ଥାନା ଚାନ୍ଦପୁର ଗାଁରେ ଘଟିଛି ଅଘଟଣ । ଭଉଣୀ ଶାଶୂଙ୍କ ଦଶ କର୍ମରେ ଆସି ଭାଇ କେନାଲରେ ଗାଧୋଉଥିବା ବେଳେ ନିଖୋଜ ହୋଇ ଯାଇଥିଲେ । ଅଗ୍ନିଶମ ବିଭାଗ ଓ ଓଡ୍ରାଫ ଟିମ୍ ବହୁ ଖୋଜାଖୋଜି କରିବା ପରେ ଉଦ୍ଧାର କରି କୁଜଙ୍ଗ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କର ମୃତ୍ୟୁ ଘୋଷଣା କରିଛନ୍ତି । ମୃତ ଯୁବକ ହେଲେ କୁଜଙ୍ଗ ଥାନା ପଙ୍କପାଳ ଗାଁର ଦିପ୍ତି ରଞ୍ଜନ ପରିଡ଼ା ।