ମାଲକାନଗିରିରେ ମାତିଛନ୍ତି ଦଲାଲ; ମଣ୍ଡି ଖୋଲିନି, ହେଲେ ରାଜ୍ୟ ବାହାରକୁ ଚାଲାଣ ହେଉଛି ଧାନ

କନକ ବ୍ୟୁରୋ : ଧାନ ମଣ୍ଡି ଖୋଲିନି, କିନ୍ତୁ ମାତିଲେଣି ଦଲାଲ । ମାଲକାନଗିରିରେ ମଣ୍ଡି ନଖୋଲୁଣୁ ପଡ଼ୋଶୀ ଆନ୍ଧ୍ର ଓ ତେଲେଙ୍ଗାନାକୁ ଚାଲାଣ ହେଉଛି ଧାନ । ଚାଷୀଙ୍କଠାରୁ କ୍ୱିଣ୍ଟାଲ ପିଛା ୨ ହଜାର ଟଙ୍କାରେ ଧାନ କିଣି ରାଜ୍ୟ ବାହାରକୁ ଚାଲାଣ କରୁଛନ୍ତି ଦଲାଲ । ଆଉ କରଜ କରି ଚାଷ କରିଥିବା ଚାଷୀ ଧାର ଟଙ୍କା ଶୁଝିବା ପାଇଁ କମ ମୂଲ୍ୟରେ ନିଜ ଅମଳ ବିକ୍ରି କରିବାକୁ ବାଧ୍ୟ ହେଉଛି ।

ଗୋଟିଏ ପଟେ ମଣ୍ଡି ଗୁଡିକୁ ମନ୍ତ୍ରୀ ଜଗିବେ ବୋଲି ସରକାର କହୁଛନ୍ତି । ଅନ୍ୟପଟେ ମଣ୍ଡି ଖୋଲିବା ପୂର୍ବରୁ ଦଲାଲ ମାତିଲେଣି । ମୋହନ ସରକାର ଧାନର ଏମଏସପି ୩୧ଶହ ଟଙ୍କାକୁ ବୃଦ୍ଧି କରିଛନ୍ତି । ତା ସତ୍ତ୍ୱେ ଚାଷୀମାନେ ଦଲାଲଙ୍କୁ କ୍ୱିଣ୍ଟାଲ ପିଛା ୨ ହଜାର ଟଙ୍କାରେ ଧାନ ବିକୁଛନ୍ତି ।