ଇସ୍ରାଏଲ ସାମରିକ ସ୍ଥଲରେ ବଡ଼ ଧରଣର ରକେଟ୍ ଆକ୍ରମଣ । ଜବାବରେ ଲେବାନନରେ ଇସ୍ରାଏଲର ବୋମାବର୍ଷା । ହିଜବୁଲ୍ଲାର ଟାର୍ଗେଟ୍ ଉପରେ ୪୦ କ୍ଷେପଣାସ୍ତ୍ର ମାଡ଼

କନକ ବ୍ୟୁରୋ : ହିଜବୁଲ୍-ଇସ୍ରାଏଲ ମଧ୍ୟରେ ଭୟଙ୍କର ଯୁଦ୍ଧ । ଇସ୍ରାଏଲ ସାମରିକ ସ୍ଥଲରେ ବଡ଼ ଧରଣର ରକେଟ୍ ଆକ୍ରମଣ । ଜବାବରେ ଲେବାନନରେ ଇସ୍ରାଏଲର ବୋମାବର୍ଷା । ହିଜବୁଲ୍ଲାର ଟାର୍ଗେଟ୍ ଉପରେ ୪୦ କ୍ଷେପଣାସ୍ତ୍ର ମାଡ଼ କରାଯାଇଛି । ହିଜବୁଲ ଦ୍ବାରା ଜାରି ଏକ ବିବୃତିରେ କୁହାଯାଇଛି ଯେ ଇସ୍ରାଏଲର ଗୁରୁତ୍ୱପୂର୍ଣ୍ଣ ସାମରିକ ଶିବିରକୁ ଟାର୍ଗେଟ କରିବା ପାଇଁ ବିସ୍ଫୋରକ ବୋମା ବ୍ୟବହାର କରାଯାଇଥିଲା । ଏହା ସହିତ ହିଜବୁଲ ମଧ୍ୟ ଏକ ବଡ଼ ଧରଣର ସାମରିକ ଅପରେସନ ପାଇଁ ଘୋଷଣା କରିଛି । ହିଜବୁଲ ଦ୍ବାରା ଜାରି ଏକ ବିବୃତିରେ କୁହାଯାଇଛି ଯେ ଇସ୍ରାଏଲର ଗୁରୁତ୍ୱପୂର୍ଣ୍ଣ ସାମରିକ ଶିବିରକୁ ଟାର୍ଗେଟ କରିବା ପାଇଁ ବିସ୍ଫୋରକ ଲୋଡ୍ ଡ୍ରୋନ୍ ଆକ୍ରମଣ ଆରମ୍ଭ କରାଯାଇଛି ।  

ହିଜବୁଲ ଇସ୍ରାଏଲ ଉପରେ ୩୨୦ରୁ ଅଧିକ କାତ୍ୟୁଷା ରକେଟ୍ ମାଡ଼ କରିଥିବା ଦାବି କରିଛି। ଜେରୁଜେଲମ୍ ପୋଷ୍ଟରେ ଇସ୍ରାଏଲ୍ ପ୍ରତିରକ୍ଷା ବାହିନୀର ମୁଖପାତ୍ର ଡାନିଏଲ୍ ହଗାରୀ କହିଛିନ୍ତି ଯେ ହିଜବୁଲଙ୍କ ଆକ୍ରମଣ ସମୟରେ ଇସ୍ରାଏଲ୍ ଲେବାନନରେ ଆତଙ୍କବାଦୀ ବେସକୁ ଟାର୍ଗେଟ କରୁଥିଲା। ହିଜବୁଲର ଏହି ଆକ୍ରମଣ ଇସ୍ରାଏଲ୍ ସେନା ଦ୍ୱାରା ହୋଇଥିବା ଆକ୍ରମଣର ଜବାବରେ କରାଯାଇଛି।  ଇସ୍ରାଏଲ୍ ସୈନ୍ୟବାହିନୀ ଲିବାନନରେ ହିଜବୁଲ ବିଦ୍ରୋହୀଙ୍କ ସ୍ଥିତିକୁ ଟାର୍ଗେଟ କରୁଥିବା ଦାବି କରିଛି। ହିଜବୁଲ ଏହି ଆକ୍ରମଣ ପରଠାରୁ ଲେବାନନ୍ ସୀମାନ୍ତରେ ଥିବା ଇସ୍ରାଏଲ୍ ଅଞ୍ଚଳରେ କ୍ରମାଗତ ଭାବରେ ସାଇରନ୍ ଶବ୍ଦ ଶୁଣିବାକୁ ମିଳୁଛି। ଏହି ଆକ୍ରମଣ ପରେ ଇସ୍ରାଏଲ୍ ସେନା ସମଗ୍ର ଇସ୍ରାଏଲରେ ୪୮ ଘଣ୍ଟିଆ ଜରୁରୀକାଳୀନ ପରିସ୍ଥିତି ଲଗାଇଛି।