ସମ୍ବଲପୁରରେ ବୋମା ଆତଙ୍କ ! ଟ୍ରଲି ବ୍ୟାଗକୁ ନେଇ ହଇଚଇ

କନକ ବ୍ୟୁରୋ: ସମ୍ବଲପୁରରେ ବୋମା ଗୁଜବ । ଅଇଁଠାପାଲି ଛକସ୍ଥିତ ଏକ ସପିଂ ମଲ୍ ସମ୍ମୁଖରେ ବୋମା ରଖାଯାଇଥିବା ଖବର ପ୍ରଚାରିତ ହୋଇଥିଲା । ଆଉ ସପିଂମଲ ଆଗରେ ଏକ ବ୍ୟାଗରେ ବୋମା ଥିବା ଖବର ପ୍ରଚାର ହେବା ପରେ ହୁଲସ୍ତୁଲ ହୋଇପଡିଥିଲା ସମ୍ବଲପୁର ଅଇଁଠାପାଲି ଛକ ।

 ଖବର ପାଇ ତୁରନ୍ତ ବମ୍ ସ୍କ୍ବାର୍ଡ ପହଞ୍ଚି ଚେକିଂ କରିବା ପରେ ବ୍ୟାଗରୁ ବାହାରିଲା କପଡା ଓ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ । ଯାହାକୁ ନେଇ ଆଶ୍ବସ୍ତି ମିଳିଛି । ସୂଚନା ଅନୁସାରେ ସମ୍ବଲପୁର ଶ୍ରୀଲେଦର୍ସ ସମ୍ମୁଖରେ ଏକ ବ୍ୟାଗ ସନ୍ଦିଗ୍ଧ ଅବସ୍ଥାରେ ପଡି ରହିଥିଲା । ଦୀର୍ଘ ସମୟ ଧରି ବ୍ୟାଗକୁ କେହି ନେଉନଥିଲେ । ବ୍ୟାଗ ମାଲିକ କିଏ ଜଣାନପଡିବାରୁ ଲୋକଙ୍କ ସନ୍ଦେହ ବଢିଥିଲା । ଏହି ସମୟରେ କେହି ଜଣେ ବ୍ୟାଗରେ କିଏ ବୋମା ରଖି ଦେଇଥିବା କହିଥିଲା । ଆଉ ଚାହୁଁଚାହୁଁ ବୋମା ଗୁଜବ ସାରା ସମ୍ୱଲପୁରରେ ପ୍ରଚାରିତ ହୋଇଥିଲା । ଖବର ପାଇଁ ପୋଲିସ ବମସ୍କ୍ୱାର୍ଡ ଧରି ଘଟଣା ସ୍ଥଳରେ ପହଞ୍ଚି ଖୋଲତାଡ କରିବା ପରେ ବ୍ୟାଗରୁ ନିତ୍ୟବ୍ୟବହାର୍ଯ୍ୟ ସାମଗ୍ରୀ ଓ କିଛି କପଡା ବାହାରିଥିଲା ।