ହତ୍ୟା ଧମକ ଭିତରେ କଡ଼ା ସୁରକ୍ଷାରେ ଭୋଟ ଦେଲେ ଅଭିନେତା ସଲମାନ ଖାନ । ମତଦାନ ସାବ୍ୟସ୍ତ କଲେ କଳାକାର, କ୍ରିକେଟର, ଶିଳ୍ପପତି  ସହ ବିଶିଷ୍ଠ ବ୍ୟକ୍ତି

କନକ ବ୍ୟୁରୋ : ମହାରାଷ୍ଟ୍ର ବିଧାନସଭା ନିର୍ବାଚନ ଲାଗି ବଡ଼ ଲଢ଼େଇ । ଆଜି ବୁଧବାର ରାଜ୍ୟର ସମସ୍ତ ୨୮୮ ବିଧାନସଭା ଆସନ ଲାଗି  ଭୋଟ୍‌ ଗ୍ରହଣ ହୋଇଛି । ସକାଳ ୭ଟାରୁ ଭୋଟ୍ ଗ୍ରହଣ ଆରମ୍ଭ ହୋଇଥିବା ବେଳେ ପୁରା ମହାରାଷ୍ଟ୍ର ଦେଇଛି ଭୋଟ୍ । ନିରପେକ୍ଷ ଓ ସ୍ବଚ୍ଛ ଭାବରେ ମତଦାନ ପାଇଁ  ସମସ୍ତ ପ୍ରକାର ପ୍ରସ୍ତୁତି କରାଯାଇଥିଲା । ତେବେ ମତଦାତାଙ୍କ ସହ ସାମିଲ ହୋଇଥିଲେ ଅନେକ ସେଲିବ୍ରିଟି । ସକାଳୁ ସକାଳୁ ପୁଲିଂ ବୁଥରେ ପହଂଚି ନିଜ ନିଜ ମତଦାନ କରିଛନ୍ତି  । ସୁନୀଲ ସେଟ୍ଟୀଙ୍କଠାରୁ ନେଇ ଅକ୍ଷୟ କୁମାର, ସୋନୁ ସୁଦ୍ , ରିତେଶ ଦେଖମୁଖ, ଜେନେଲିଆ ଡିସୋଜାଙ୍କ ସମେତ ବହୁ ଅଭିନେତା ଓ ଅଭିନେତ୍ରୀ ନିଜ ନିଜ ପରିବାର ସହ ମତଦାନ କେନ୍ଦ୍ରରେ ପହଂଚି ଭୋଟ୍ ଦେଇଛନ୍ତି  । 

ସମସ୍ତ ସେଲିବ୍ରିଟିଙ୍କ ବ୍ୟତୀତ ଅମ୍ବାନୀ ପରିବାରର ସଦସ୍ୟ ମଧ୍ୟ ମତଦାନ କେନ୍ଦ୍ରରେ ପହଂଚି ଭୋଟ୍ ଦେଇଛନ୍ତି ।  କଡା ସୁରକ୍ଷା ବଳୟରେ ସମସ୍ତେ ମତଦାନ କେନ୍ଦ୍ରରେ ପହଂଚି ମତଦାନ କରିଛନ୍ତି  । ସେହିଭଳି ଅଭିନେତା ଅନୁପମ ଖେରଙ୍କଠାରୁ ନଇେ ଅଭିନେତ୍ରୀ ହେମାମାଳିନୀଙ୍କୁ ମଧ୍ୟ ଦେଖିବାକୁ ମିଳିଥିଲା । ସେହିଭଳି ମତଦାନ କେନ୍ଦ୍ରରେ ଅନେକ କଣ୍ଠଶିଳ୍ପୀଙ୍କ ସହ ସଙ୍ଗୀତ ନିର୍ଦ୍ଦେଶକ ମଧ୍ୟ ସାମିଲ ଥିଲେ । ପଲକ ମୁଚ୍ଚଲ ଓ ଶଙ୍କର ମହାଦେବନ ମଧ୍ୟ ମତଦାନ କରିବାକୁ ଯାଇଥିବା ଦେଖିବାକୁ ମିଳିଥିଲା । ମତଦାନ କେନ୍ଦ୍ରରେ ସକାଳୁ ମତଦାନ କରିବା ବହୁ ସେଲିବ୍ରିଟି ନିଜ ନିଜ ପରିବାର ସହ ଯାଇ ମତଦାନ କରିଥିଲେ । ଏହା ସହ ଜନସାଧାରଣଙ୍କୁ ମଧ୍ୟ ଭୋଟ ଦେବାକୁ ସେଲିବ୍ରିଟି ମାନେ ଅପିଲ କରିଥିବା ଦେଖିବାକୁ ମିଳିଥିଲା ।