କନକ ବ୍ୟୁରୋ;  ବଦଳିବ ବେଳାଭୂମିର ଭିତ୍ତିଭୂମି । ନୂଆ ରୂପ ନେବ ଗୋପାଳପୁର ଓ ସୋନାପୁର । ଏଥିପାଇଁ ମାଷ୍ଟରପ୍ଲାନ ପ୍ରସ୍ତୁତ କରିଛନ୍ତି ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷ । ଗୋପାଳପୁର ବ୍ଲୁ ଫ୍ଲାଗ ବିଚ୍‌ ଲାଗି ଟେଣ୍ଡର ଆହ୍ୱାନ ହୋଇଥିଲା ବେଳେ ସୋନାପୁର ବେଳାଭୂମିର ସମୀକ୍ଷା କରିଛନ୍ତି ଜିଲ୍ଲାପାଳ । ଟେଣ୍ଡର ଆହ୍ୱାନ, ସିଆରଜେ ଅନୁମତିକୁ ଅପେକ୍ଷା। ଦକ୍ଷିଣଓଡ଼ିଶା ପର୍ଯ୍ୟଟନ ମାନଚିତ୍ରରେ ଗୋପାଳପୁର ବେଳାଭୂମିର ସ୍ୱତନ୍ତ୍ର ସ୍ଥାନ ରହିଛି । ଖାଲି ବ୍ରହ୍ମପୁର କାହିଁକି, ଜିଲ୍ଲା ଓ ଜିଲ୍ଲା ବାହାର ଲୋକଙ୍କ ପାଇଁ ଏ ବେଳାଭୂମି ହେଉଛି ଆନନ୍ଦ ଓ ବିଷାଦର ସାଥୀ । ଯାହାକୁ ମିଳିଛି ବ୍ଲୁ ଫ୍ଲାଗ୍‌ ବିଚ ମାନ୍ୟତା । 
- ପ୍ରାୟ ୩୩ କୋଟି ଟଙ୍କାରେ ହେବ ପ୍ରାରମ୍ଭିକ ଉନ୍ନୟନ
- ଟେଣ୍ଡର୍‌ ଡାକିଲେ ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷ 
- ରହିବ କାଠ ପୋଲ, ଓପନ ଡେକ୍‌, ୱାଚ୍‌ ଟାୱାର, ଶୌଚାଳୟ, ଚେଞ୍ଜିଙ୍ଗ ରୁମ୍‌ 
- ପିଲାଙ୍କ ଖେଳିବା ସାମଗ୍ରୀ ସହ ଶହେ ଦୋକାନ ଘର ନିର୍ମାଣ 
- ପାର୍କିଂ ପାଇଁ ସୁବିଧା ସହ ସିସିଟିଭି ନଜରରେ ରହିବ ବେଳାଭୂମି 

 ସେପଟେ ସୋନାପୁର ବେଳାଭୂମି ପାଇଁ ପ୍ରସ୍ତୁତ ହୋଇଛି ମାଷ୍ଟରପ୍ଲାନ । ଜିଲ୍ଲାପାଳ ଓ ଚିକିଟି ବିଧାୟକଙ୍କ ଉପସ୍ଥିତିରେ ଏହାର ଉଚ୍ଚସ୍ତରୀୟ ସମୀକ୍ଷା କରାଯାଇଛି ।
 - ସମୁଦ୍ରପାଣିରେ ମିଳିବ ଦୁଃସାହସିକ ଜଳକ୍ରୀଡ଼ାର ମଜା 
- ସ୍ପୋର୍ଟ୍ସ କମ୍ପ୍ଲେକ୍ସ ଲାଗି ଖର୍ଚ୍ଚ ହେବ ୨.୮୮ କୋଟି ଟଙ୍କା 
- ବେଳାଭୂମିରେ କରାଯିବ ଇକୋ-ରିଟ୍ରିଟ୍‌ 
- ମିଳିବ ସରଫିଙ୍ଗ, କାୟାକିଙ୍ଗ, ସ୍କୁବା ଡ୍ରାଇଭିଂ ଓ ସ୍ନୋରକେଲିଂ ସୁବିଧା 
  ବେଳାଭୂମି ପର୍ଯ୍ୟଟନକୁ ଗୁରୁତ୍ୱ ଦେଉଛନ୍ତି ସରକାର। ଫଳରେ ବିସ୍ତୀର୍ଣ୍ଣ ସମୁଦ୍ରକୂଳ ଅର୍ଥନୀତିର ନୂଆ ଠିକଣା ହୋଇପାରିବ।