ପୁଣି ଡରାଇଲା ନୀଳ ଡ୍ରମ୍ : ପ୍ରେମିକ ସହ ମିଶି ସ୍ବାମୀକୁ ମାରି ଡ୍ରମରେ ଭର୍ତ୍ତି କଲା ସ୍ତ୍ରୀ

କନକ ବ୍ୟୁରୋ : ରାଜସ୍ଥାନର ଖେରଥଲ ଜିଲ୍ଲାରେ ନୀଳ ଡ୍ରମରେ ମିଳିଥିବା ମୃତଦେହର ରହସ୍ୟ ପୁଲିସ ଉନ୍ମୋଚନ କରିଛି । କିଶନଗଡ଼ ସହରରେ ଥିବା ଏକ ଘରେ ନୀଳ ଡ୍ରମରେ ଜଣେ ବ୍ୟକ୍ତିଙ୍କ ମୃତଦେହ ମିଳିଥିଲା । ପୁଲିସ ଖୁଲାସା କରିଛି ଯେ ବ୍ୟକ୍ତିଙ୍କୁ ଅନ୍ୟ କେହି ନୁହେଁ ବରଂ ତାଙ୍କ ପତ୍ନୀ ନିଜ ପ୍ରେମିକ ସହିତ ମିଶି ହତ୍ୟା କରିଥିଲେ । ଖେରଥଲ ପୁଲିସ ମୃତକ ହଂସରାଜଙ୍କ ପତ୍ନୀ ଓ ତାଙ୍କ ପ୍ରେମିକଙ୍କୁ ଗିରଫ କରିଛି । ମୃତକଙ୍କ ପତ୍ନୀ ଓ ପ୍ରେମିକ ଘଟଣା ପରେ ଫେରାର ହୋଇଯାଇଥିଲେ । ପୁଲିସ ମଙ୍ଗଳବାର ସକାଳେ ଉଭୟ ଅଭିଯୁକ୍ତଙ୍କୁ ଗିରଫ କରିଛି । ଖେରଥଲ ପୁଲିସ ଅଧୀକ୍ଷକ ମନୀଷ କୁମାର କହିଛନ୍ତି ଯେ ୧୭ ଅଗଷ୍ଟ ସନ୍ଧ୍ୟା ପ୍ରାୟ ୩ ଟା ବେଳେ କଣ୍ଟ୍ରୋଲ ରୁମ ଜରିଆରେ ସୂଚନା ମିଳିଥିଲା ଯେ ଆଦର୍ଶ କଲୋନୀରେ ଛାତ ଉପରେ ରଖାଯାଇଥିବା ନୀଳ ଡ୍ରମରୁ ଦୁର୍ଗନ୍ଧ ଆସୁଛି । 

ପୁଲିସ ଘଟଣାସ୍ଥଳରେ ପହଞ୍ଚି ଡ୍ରମ ଉପରେ ରଖାଯାଇଥିବା ଢାଙ୍କୁଣୀକୁ ହଟାଇବା ପରେ ଡ୍ରମରୁ ଦୁର୍ଗନ୍ଧ ଆସିଥିଲା । ଏହା ସହିତ ମୃତଦେହ ଉପରେ ରଖାଯାଇଥିବା କପଡ଼ାକୁ ହଟାଇବାରୁ ତଳେ ମୃତଦେହ ଥିଲା । ଶବକୁ ସଢ଼ାଇବା ପାଇଁ ଉପରେ ଲୁଣ ମଧ୍ୟ ପକାଯାଇଥିଲା । ତେବେ ମଙ୍ଗଳବାର ସକାଳେ ପରିବାର ଲୋକଙ୍କ ଆସିବା ପରେ ମେଡିକାଲ ବୋର୍ଡର ଉପସ୍ଥିତିରେ ପୋଷ୍ଟମର୍ଟମ କରାଯାଇଥିଲା । ଏହି ସମୟରେ ହସ୍ପିଟାଲରେ ଉପସ୍ଥିତ ଥିବା ଯୁବକଙ୍କ ବାପା କାନ୍ଦି ପକାଇଥିଲେ । ଏସପି ମନୀଷ କୁମାର କହିଛନ୍ତି - ଉତ୍ତର ପ୍ରଦେଶର ଶାହାଜାହାନପୁର ଜିଲ୍ଲାର ନୱାଦିଆ ନୱାଜପୁରର ବାସିନ୍ଦା ହଂସରାମ ଓରଫ ସୂରଜଙ୍କ ମୃତଦେହ ମିଳିଥିଲା । ଯୁବକଙ୍କୁ ଧାରୁଆ ଅସ୍ତ୍ରରେ ଗଳା କାଟି ହତ୍ୟା କରାଯାଇଥିଲା । ଘଟଣା ବିଷୟରେ ସୂଚନା ପାଇବା ମାତ୍ରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି କିଶନଗଡ଼ବାସର ସରକାରୀ ହସ୍ପିଟାଲର ଶବଗୃହରେ ରଖାଇଥିଲା । ପୁଲିସ ଅଭିଯୁକ୍ତ ଓ ମୃତକ ହଂସରାଜଙ୍କ ପତ୍ନୀଙ୍କୁ ଗିରଫ କରି କୋର୍ଟରେ ହାଜର କରି ରିମାଣ୍ଡରେ ନେବ ଯାହା ଦ୍ୱାରା ସମଗ୍ର ଘଟଣା ବିଷୟରେ ଜଣାପଡ଼ିବ ।