ରାହୁଲ ଗାନ୍ଧୀଙ୍କ ମନ୍ତବ୍ୟକୁ ବିଜେପିର ପ୍ରବଳ ବିରୋଧ: ପାଟନା କଂଗ୍ରେସ ମୁଖ୍ୟାଳୟ ବାହାରେ ଜୋରଦାର ବିକ୍ଷୋଭ

କନକ ବ୍ୟୁରୋ: ବିହାରରେ ଭୋଟ ଅଧିକାର ଯାତ୍ରା ବନାମ ବିଜେପିର ବଡ ବିକ୍ଷୋଭ । ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ବିରୋଧରେ ଆଜି ପାଟଣାରେ ଜୋରଦାର ବିକ୍ଷୋଭ କରିଛି ବିଜେପି । ପ୍ରଧାନମନ୍ତ୍ରୀ ମୋଦୀ ନରେନ୍ଦ୍ର ମୋଦୀ ଓ ତାଙ୍କ ଦିବଂଗତ ମାଙ୍କ ବିରୋଧରେ ରାହୁଲ ଅଶାଳୀନ ଟିପ୍ପଣୀ ଦେଇଥିବା ଅଭିଯୋଗରେ ବିରୋଧ ପ୍ରଦର୍ଶନ କରିଛି ଦଳ ।

ରାହୁଲ ଗାନ୍ଧୀଙ୍କ ଏହି ବୟାନ ପରେ ଆଜି ଉଠିଛି ପଡିଛି ବିହାର ରାଜଧାନୀ ପାଟଣା । କଂଗ୍ରେସ ମୁଖ୍ୟାଳୟ ସମ୍ମୁଖରେ ବିଜେପି କରିଛି ଜୋରଦାର ପ୍ରତିବାଦ । ରାସ୍ତାରୋକ, ଟାୟାର ପୋଡାଜଳା, କଂଗ୍ରେସ କର୍ମୀଙ୍କ ଗାଡି ଭାଙ୍ଗିବା ସହ ରାହୁଲ ଗାନ୍ଧୀଙ୍କୁ ବିରୋଧରେ ଜୋରଦାର ନାରାବାଜୀ କରିଛି । ଗତକାଲି ଦରଭଙ୍ଗା ରାଲିରେ ରାହୁଲ ଗାନ୍ଧୀ ମଞ୍ଚରେ ପ୍ରଧାନମନ୍ତ୍ରୀ ମୋଦୀ ଓ ତାଙ୍କ ଦିବଂଗତ ମାଙ୍କ ଉପରେ ବିବାଦୀୟ ଟିପ୍ପଣୀ ଦେଇଥିବା ଅଭିଯୋଗ ପରେ ଆଜି ପାଟଣାରେ ଦଳ କରିଛି ବଡ ଧରଣର ପ୍ରତିବାଦ ।

ଘଟଣାକୁ ନେଇ ବିଜେପିକୁ ପାଲଟା ପ୍ରଶ୍ନ କରିଛି କଂଗ୍ରେସ ।ସୋସିଆଲ ମିଡିଆରେ ମିଛ ଭିଡିଓ ପ୍ରଚାର କରିବା ସହ ଭୋଟ ଅଧିକାର ରାଲିରୁ ଜନତାଙ୍କ ଧ୍ୟାନ ହଟାଇବାକୁ ପ୍ରୟାସ କରାଯାଉଥିବା ଅଭିଯୋଗ କରିଛି ।

ବିହାରରେ ଭୋଟ ଅଧିକାର ରାଲି କରୁଛି ମହାଗଠବନ୍ଧନ । ବିହାରରେ ବିଜେପି ସରକାର, ଇସିଆଇଙ୍କୁ ଭୋଟ ଚୋରି କରିଥିବା ଅଭିଯୋଗ କରି କଂଗ୍ରେସ, ଆରଜେଡି ଟାର୍ଗେଟ କରୁଛନ୍ତି ।ତେବେ ଦରଭଙ୍ଗା ରାଲିରେ କଂଗ୍ରେସର କିଛି ନେତା ଓ ରାହୁଲ ଗାନ୍ଧୀ ଅପଶବ୍ଦ ବ୍ୟବହାର ଅଭିଯୋଗ ଘଟଣା ତୁମ୍ବିତୋଫାନ ସୃଷ୍ଟି କରିଛି ।