କନକ ବ୍ୟୁରୋ: ପଞ୍ଚାୟତ ନିର୍ବାଚନ ପୂର୍ବରୁ ବିଜେଡିକୁ ଝଟକା ପରେ ଝଟକା ଲାଗିଛି । ବିଜେପି ସଭାପତି ମନମୋହନଙ୍କ ହୋମଗ୍ରାଉଣ୍ଡରେ ବଳ ହରାଇଛି ବିଜେଡି । ଏକାଥରକେ ୩ ବ୍ଲକ ଅଧ୍ୟକ୍ଷ ବିଜେଡିରୁ ଇସ୍ତଫା ଦେଇଛନ୍ତି । ବାପା ପ୍ରଫୁଲ୍ଲ ସାମଲ ବିଜେଡି ସଙ୍ଗଠନ ସଜାଡୁଥିବା ବେଳେ ପୁଅ ପ୍ରୟାସକାନ୍ତି ସମାଲଙ୍କ ଗୋଟିଚାଳନାରେ ବିଜେଡିର ତୃଣମୂଳ ସଙ୍ଗଠନ ଏବେ ବିଜେପି ମୁହାଁ ହେଉଥିବା ଚର୍ଚ୍ଚା । 
   
କ୍ଷମତାରୁ ଯିବା ପରେ ଭୁଶୁଡୁଛି ବିଜେଡି ଗଡ । ତୃଣମୂଳସ୍ତରରେ ଦଳ ଉପରୁ ଭରସା ହରାଉଛନ୍ତି ନେତା । ଯାହାର ବଡ ଝଲକ ଦେଖିବାକୁ ମିଳିଛି ଭଦ୍ରକରେ । ଗୋଟିଏ ଦିନରେ ବିଜେଡିକୁ ଲାଗିଛି ୪୪୦ ଭୋଲ୍ଟର ଝଟ୍‌କା ।  ଦିନକରେ ବିଜେଡି ସମର୍ଥିତ ୩ ବ୍ଲକ ଅଧ୍ୟକ୍ଷ ଇସ୍ତଫା ଦେଇଛନ୍ତି । ପ୍ରଥମେ ବନ୍ତ ବ୍ଲକ ଅଧ୍ୟକ୍ଷ ମନୋରଞ୍ଜନ ଘଡେଇ ବିଜେଡିରୁ ଇସ୍ତଫା ଦେଇଥିଲେ । ଦଳ ବିରୋଧୀର ଟ୍ୟାଗ୍ ଲଗାଇ ବିଜେଡି ମନୋରଞ୍ଜନକୁ ନିଲମ୍ବିତ କରିଥିଲା । ହେଲେ ଏହାପରେ ବଡ ସଙ୍କଟର ସାମ୍ନା କରିଥିଲା ବିଜେଡି ।

Advertisment

ଅଧିକ ପଢନ୍ତୁ: ସମ୍ବଲପୁରରେ ବିଜେଡିକୁ ଝଟକା, ଦଳ ଛାଡିଲେ ପୂର୍ବତନ ବିଧାୟିକା ରାସେଶ୍ୱରୀ ପାଣିଗ୍ରାହୀ ।

ସନ୍ଧ୍ୟା ସୁଦ୍ଧା ଭଦ୍ରକ ଓ ଭଣ୍ଡାରୀପୋଖରୀ ବ୍ଲକ ଅଧ୍ୟକ୍ଷା ଉର୍ମିଳା ନାୟକ ଓ ସୁମତି ସେଠୀ ବିଜେଡିକୁ ବାଏ ବାଏ କରିଥିଲେ । କ୍ରାଇସିସ୍ ମ୍ୟାନେଜ୍ କରିବାକୁ ସୁଯୋଗ ପାଇନି ବିଜେଡି ।  ବିଜେଡି ଛାଡିଥିବା ୩ ବ୍ଲକ ଅଧ୍ୟକ୍ଷ ଖୁବଶୀଘ୍ର ପଦ୍ମ ଧରିପାରନ୍ତି । ବିଜେପି ସଭାପତିଙ୍କ ନିଜ ଜିଲ୍ଲା ହୋଇଥିବାରୁ ବିଶାଳ ମିଶ୍ରଣ ପର୍ବ କରି ଶକ୍ତିପ୍ରଦର୍ଶନ କରିପାରନ୍ତି ମନମୋହନ । ଏନେଇ ପ୍ରତିକ୍ରିୟାରେ ମନମୋହନ କହିଛନ୍ତି, ନଦୀ ଆସି ସମୁଦ୍ରରେ ମିଶେ। ଯିଏ ଦଳ ପାଇଁ ସମ୍ପତ୍ତି ହେବ ତାଙ୍କୁ ସାମିଲ କରିବୁ । ୨୦୨୪ ନିର୍ବାଚନରେ ଭଦ୍ରକରେ ବିଜେଡି ଗଡ ଭାଙ୍ଗିଥିଲା । ଏବେ ତୃଣମୂଳସ୍ତରରେ ସଙ୍ଗଠନ ଦୁର୍ବଳ ହେବାରେ ଲାଗିଛି । ମନମୋହନଙ୍କ ଗୋଟିଚାଳନାରେ ଭଦ୍ରକରେ ବିଜେଡିର ଭେଟରାନ ପ୍ରଫୁଲ୍ଲ ସାମଲ ଓ ବିଧାୟକ ସଞ୍ଜୀବ ମଲ୍ଲିକଙ୍କ ରଣନୀତି ଫେଲ୍ ମାରିଛି ।