ତୃଣମୂଳସ୍ତରରେ ଭୁଶୁଡୁଛି ବିଜେଡି ଗଡ : ଯାଜପୁର ଜାଫରପୁରରେ ବିଜେପିରେ ସାମିଲ ହେଲେ ଶତାଧିକ କର୍ମୀ

କନକବ୍ୟୁରୋ :  ତୃଣମୂଳସ୍ତରରେ ଭୁଶୁଡୁଛି ବିଜେଡି ଗଡ ।  ବିଜେପିର ମିଶ୍ରଣ ପର୍ବରେ ମିଶିଲେ ଶତାଧିକ ବିଜେଡି କର୍ମୀ   ।  ଯାଜପୁର ବିଜେପି ପକ୍ଷରୁ ଜାଫରପୁର ପଞ୍ଚାୟତ ବଡ ତ୍ରିଲୋଚନପୁର ପଡ଼ିଆରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି  ।  ବରିଷ୍ଠ ବିଜେଡି ନେତା ଗୋକୁଳାନନ୍ଦ ରାଉତଙ୍କ  ନେତୃତ୍ଵ ରେ ଯାଜପୁର ବ୍ଳକ ଜାଫରପୁର ଓ ଖଇରାବାଦ ପଂଚାୟତର ଶତାଧିକ କର୍ମୀ ବିଜେଡି ଛାଡ଼ି ବିଜେପିରେ ସାମିଲ ହୋଇଥିଲେ  ।

ସେମାନଙ୍କୁ ଉପସ୍ଥିତ ବିଜେପି ନେତା ମାନେ ଦଳୀୟ ଉତ୍ତରୀୟ ଓ ଟୋପି ପିନ୍ଧାଇ ଦଳରେ ସାମିଲ କରିଥିଲେ। ଜିଲ୍ଲା ବିଜେପି ସଭାପତି ଗୌତମ ରାୟଙ୍କ ସଭାପତିତ୍ବରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା  ।   ରାଜ୍ୟ ସମବାୟ ମନ୍ତ୍ରୀ ପ୍ରଦୀପ ବଳ ସମନ୍ତ, ସାଂସଦ ଡ. ରବିନ୍ଦ୍ର ନାରାୟଣ ବେହେରା, ବଡଚଣା ବିଧାୟକ ଅମର ନାୟକ, ଯୁବନେତା ଉମେଶ ଜେନା ପ୍ରମୁଖ ଅତିଥି ଭାବେ ଯୋଗଦେଇଥିଲେ ।  ବିଜେପି ସରକାରରେ ସମସ୍ତଙ୍କୁ ନ୍ୟାୟ ମିଳିବା ସହ ଯାଜପୁରରେ ବିକାଶ ଶିଖରକୁ ଛୁଇଁବ ବୋଲି ସେମାନେ ମତ ପ୍ରକାଶ କରିଥିଲେ ।