୨୪ ବର୍ଷ ବନାମ ୧୦୦ ଦିନ: ଟାର୍ଗେଟ କଲେ  ନବୀନ ।  ଆଇନା ଦେଖାଇଲା ବିଜେପି ।

କନକ ବ୍ୟୁରୋ: ପରାଜୟ ପରେ ସାମ୍ନାକୁ ଆସିଲେ ବିଜେଡି ସଭାପତି ନବୀନ ପଟ୍ଟନାୟକ । ହେଲେ ପରାଜୟର କାରଣ ଖୋଜିବା ବଦଳରେ ନୂଆ ସରକାରଙ୍କୁ କଲେ ନିଶାନା । ନିର୍ବାଚନ ବେଳେ ବିଜେପି ହାତି ଦେବି ଘୋଡା ଦେବି କହି ରାଜ୍ୟବାସୀଙ୍କୁ ପ୍ରତାରଣା କରିଥିବା କହିଛନ୍ତି । ନବୀନ କଟାକ୍ଷ କରି କହିଛନ୍ତି, ମିଛ କହି ନିର୍ବାଚନ ଜିତିହୁଏ, ହେଲେ ଲୋକଙ୍କ ବିଶ୍ବାସ ନୁହେଁ । ମିଛ କଥା ହେଲା ବିଜେପିର ୟୁଏସପି । ତେବେ ଲୋକ ସେବା ଜାରି ରହିବ । ରାଜ୍ୟରେ ମହିଳା ସୁରକ୍ଷା, ମାଗଣା ବିଜୁଳି, ଭତ୍ତା ଓ ସୁଭଦ୍ରା ଯୋଜନାକୁ ନେଇ ନବୀନ ବର୍ଷିଛନ୍ତି। 

• ମିଛକୁ ନେଇ ମୁହାଁମୁହିଁ
• ଆଗକୁ ହେବ କ’ଣ ?

ନବୀନଙ୍କ ଉଦବୋଧନ ସହ ବିଜେଡି ରାଜ୍ୟବ୍ୟାପୀ ପଦଯ।ତ୍ରା ଆରମ୍ଭ କରିଛି । ଏବେ ପଦଯାତ୍ରାରେ ରାଜ୍ୟବ୍ୟାପୀ ବୁଲିବେ ନେତା । ତେବେ ବିଜେଡି ସୁପ୍ରିମୋ ନଭେମ୍ୱରରୁ ଜିଲ୍ଲା ବୁଲିବେ । ଏକାମ୍ର ନିର୍ବାଚନଚନମଣ୍ଡଳୀରେ ଆୟୋଜିତ ସଭାରେ ବିଜେଡିର ବଡ ନେତା ସାମିଲ ହୋଇଥିଲେ । ସବୁବେଳେ କମ ଭାଷଣ ଦେଉଥିବା ନବୀନଙ୍କ ଭାଷଣ ଏଥର ଟିକିଏ ଲମ୍ୱା ଥିଲା । ଆଉ ଏଥିରେ ସେ ବିଜେପିକୁ ଟାର୍ଗେଟ କରିଥିଲେ । ସେପଟେ ବିଜେପି କହିଛି ନବୀନ ମିଥ୍ୟାର ସାହାରା ନେଉଛନ୍ତି ।
 
ବିଜେଡି ପଦଯାତ୍ରା ଦୁଇଟି ପର୍ଯ୍ୟାୟରେ ହେବ । ପ୍ରଥମ ପର୍ୟ୍ୟାୟ ୬ ତାରିଖ ଯାଏଁ ଚାଲିବ । ଦ୍ୱିତୀୟ ପର୍ଯ୍ୟାୟ ୨୧ରୁ ୩୦ ଯାଏଁ ହେବ । ଆଉ ଏହା ପୂର୍ବରୁ ଶାସକ-ବିରୋଧୀ ମୁହାଁମୁହିଁ ରାଜ୍ୟ ରାଜନୀତିକୁ ସରଗରମ କରିଛି ।