କନକ ବ୍ୟୁରୋ: ଭଦ୍ରକରେ ସ୍ଥିତି ସୁଧୁରୁଛି । ସୋସିଆଲ ମିଡିଆରେ ଏକ ପୋଷ୍ଟକୁ ନେଇ ୩ ଦିନ ଅଶାନ୍ତ ଥିବା ଭଦ୍ରକ ସ୍ବାଭାବିକ ହେଉଛି । କିନ୍ତୁ ମୁହାଁମୁହିଁ ହୋଇଛନ୍ତି ବିଜେଡି-ବିଜେପି । ଆଜି ଭଦ୍ରକ ଅଶାନ୍ତ ହେବାକୁ ନେଇ ବିଜେପି ସରକାରକୁ ଟ୍ବିଟ କରି ସିଧାସଳଖ ଟାର୍ଗେଟ କରିଛନ୍ତି ବିରୋଧୀ ଦଳ ନେତା ନବୀନ ପଟନାୟକ । ଭଦ୍ରକ ଓ ସୋନପୁର ଜିଲ୍ଲାର ସାଙ୍ଗଠନିକ ପଦାଧିକାରୀ ଓ ନେତାଙ୍କୁ  ଆଜି ନବୀନ ଭେଟିଥିଲେ । ଏହା ପରେ ଟ୍ବିଟ କରି ଲେଖିଥିଲେ,  ୩ ମାସରେ ୪ ଥର ସାମ୍ପ୍ରଦାୟିକ ଅଶାନ୍ତି ଓଡିଶାର ଛବିକୁ ମଳିନ କରିଛି ।

Advertisment
  • ନବୀନଙ୍କ ଟ୍ୱିଟ ଉପରେ ବର୍ଷିଲା ବିଜେପି
  • 'ରାହୁଲଙ୍କ ରାସ୍ତାରେ ଯାଉଛନ୍ତି ନବୀନ'  

ନବୀନଙ୍କ ଟ୍ବିଟ ପରେ ବିଜେପି ଟ୍ବିଟରେ ଘାଇଲା ହୋଇଛି ବିଜେଡି । ଟ୍ବିଟ କରି ସିଧାସଳଖ ନବୀନଙ୍କ ଉପରେ ବର୍ଷିଛି ଶାସକ ଦଳ । ପ୍ରଶ୍ନ ପରେ ପ୍ରଶ୍ନ ପଚାରି ବିରୋଧୀ ଦଳକୁ ଘାଇଲା କରିଛି ଶାସକ ଦଳ । ଟ୍ୱିଟରେ ବିଜେପି ଅଭିଯୋଗ କରିଛି,  ନବୀନବାବୁ ଓଡିଶାକୁ ଅଶାନ୍ତି କରିବା ପାଇଁ ଚାହୁଁଛନ୍ତି ।  ୨୦୧୭ରେ ରାମ ନବମୀ ସମୟରେ  ଭଦ୍ରକ ଅଶାନ୍ତି , ସମ୍ବଲପୁର ହିଂସା ସମୟରେ  ମୁଖ୍ୟମନ୍ତ୍ରୀ କିଏ ଥିଲେ ବୋଲି ପ୍ରଶ୍ନ କରିଛି ବିଜେପି ।  ଭଦ୍ରକ ହିଂସା ପଛରେ ବିଜେଡିର ହାତ ରହିଛି ଓ ନବୀନ ରାହୁଲଙ୍କ ରାସ୍ତାରେ ଯାଉଛନ୍ତି ବୋଲି କହିଛି ବିଜେପି । 

କଟକଣା ମଧ୍ୟରେ ଭଦ୍ରକରେ ଦୋକାନ ବଜାର ଖୋଲିଛି । କିନ୍ତୁ ଜିଲ୍ଲାରେ ୧୬୩ ଧାରା ବଳବତ୍ତର ରହିଛି । ଏହାରି ଭିତରେ ବିଜେପି-ବିଜେଡି ଟ୍ବିଟ ୱାର ରାଜ୍ୟ ରାଜନୀତିକୁ ସରଗରମ କରିଛି ।