ସମ୍ବାଦ ଭବନରେ ଇଷ୍ଟର୍ଣ୍ଣ ମିଡିଆ ଲିମିଟେଡର ଅଧ୍ୟକ୍ଷ ସୌମ୍ୟ ରଞ୍ଜନ ପଟ୍ଟନାୟକଙ୍କ ଜନ୍ମଦିନ ପାଳିତ: ଆୟୋଜନ ହେଲା ରକ୍ତଦାନ ଶିବିର

କନକ ବ୍ୟୁରୋ : ଇଷ୍ଟର୍ଣ୍ଣ ମିଡିଆ ଲିମିଟେଡର ଅଧ୍ୟକ୍ଷ ସୌମ୍ୟ ରଞ୍ଜନ ପଟ୍ଟନାୟକଙ୍କ ଜନ୍ମଦିନ ବେଶ୍ ଆଡମ୍ବର ସହ ପାଳିତ ହୋଇଛି । ଭୁବନେଶ୍ୱର ସ୍ଥିତ ସମ୍ବାଦ ଭବନରେ ଆୟୋଜିତ ହୋଇଥବା କାର୍ଯ୍ୟକ୍ରମରେ ପ୍ରଥମେ କ୍ୟାମ୍ପସ ପରିସରରେ ଥିବା ଗଣେଶ ମନ୍ଦିରରେ ପୂଜାର୍ଚ୍ଚନା କରାଯାଇଥିଲା । ଏଥି ସହିତ ପରେ ସମ୍ବାଦ କାର୍ଯ୍ୟାଳୟରେ ଆୟୋଜିତ ରକ୍ତ ଦାନ ଶିବିର ବୁଲି ରକ୍ତ ଦାତାଙ୍କ ସହ କଥା ହୋଇଥିଲେ ସୌମ୍ୟ ରଞ୍ଜନ ପଟ୍ଟନାୟକ ।

ଏହାସହ କାର୍ଯ୍ୟାଳୟ ପରିସରରେ ଜନ୍ମଦିନ ମଞ୍ଚରେ ଅଧ୍ୟକ୍ଷଙ୍କୁ ରାଜ୍ୟର କୋଣ ଅନୁକୋଣରୁ ଆସିଥିବା ବ୍ୟକ୍ତିଙ୍କ ସହ ସମ୍ବାଦ, କନକ ନ୍ୟୁଜ୍, ଏବଂ ରେଡିଓ ଚକଲେଟ୍‌ର କର୍ମଚାରୀମାନେ ଶୁଭେଚ୍ଛା ଜଣାଇଥିଲେ । ମଞ୍ଚରେ ବିଭିନ୍ନ ରାଜନେତା, ସାହିତ୍ୟିକ ଏବଂ ବୁଦ୍ଧିଜୀବୀ ମାନେ ଶୁଭେଚ୍ଛା ଜଣାଇଥିଲେ । ଏଥିସହ ଏକ ବୃତ୍ତ ଚିତ୍ର ସୌମ୍ୟ ରଞ୍ଜନ ପଟ୍ଟନାୟକଙ୍କ ଉପରେ ପ୍ରଦର୍ଶିତ ହୋଇଥିଲା । ଶେଷରେ ଛେନାପୋଡ଼ କାଟି ଶୁଭେଚ୍ଛୁଙ୍କୁ ଖୁଆଇ ଥିଲେ ଇଷ୍ଟର୍ଣ୍ଣ ମିଡିଆ ଲିମିଟେଡର ଅଧ୍ୟକ୍ଷ ।