ବାଇକରେ ହେଉଥିଲା ଗଞ୍ଜେଇ ଚାଲାଣ, ମାଡ଼ିବସିଲା ପୁଲିସ, ୩୦ କିଲୋ ଗଞ୍ଜେଇ ସହ ଡ୍ରାଇଭର ଗିରଫ

କନକ ବ୍ୟୁରୋ :  ବାଇକରେ ହେଉଥିଲା ଗଞ୍ଜେଇ ଚୋରା ଚାଲାଣ, ମାଡ଼ିବସିଲା ପୁଲିସ । ବାଇକ୍ ସହ ୩୦ କେଜି ଗଞ୍ଜେଇ ଜବତ ହୋଇଛି । ଚାଲାଣରେ ସଂପୃକ୍ତ ବାଇକ୍ ଚାଳକକୁ ଗିରଫ କରିଛି ପୋଲିସ୍ । ଗିରଫ ଅଭିଯୁକ୍ତ ଜଣଙ୍କ ମୋହନା ଥାନା ଡିମ୍ବିରିଝୋଳି ଗାଁର ଶଙ୍କର ଶବର। ଶଙ୍କର ନିଜ ବାଇକରେ ଗଞ୍ଜେଇ ନେଇ ନିଜ ଗାଁ ଦିମ୍ବିରିଝୋଳି ଅଭିମୁଖେ ଯାଉଥିବା ବେଳେ ପୁଲିସ  ତାକୁ ଚାନ୍ଦିପୁଟ ହାଟପଦା ନିକଟରେ ମାଡ଼ି ବସିଥିଲା । ଜବତ ଗଞ୍ଜେଇର ଆନୁମାନିକ ମୂଲ୍ୟ ୩ ଲକ୍ଷ ଟଙ୍କା ହେବ। ସେ  ଏହି ଗଞ୍ଜେଇକୁ ଚେନ୍ନାଇ ଚାଲାଣ କରିବାର ଯୋଜନା କରିଥିଲା ।