କନକବ୍ୟୁରୋ : ବିହାରର ଚିଠା ଭୋଟର ତାଲିକା ଆଜି ପ୍ରକାଶ ପାଇଛି । ନିର୍ବାଚନ କମିସନ ଏହା ପ୍ରକାଶ କରିଛନ୍ତି । ଏକ ମାସ ଧରି ଏଥିପାଇଁ ସ୍ପେଶାଲ ଇଣ୍ଟେନସିଭ୍ ରିଭିଜନ ବା ସ୍ୱତନ୍ତ୍ର ସଂଶୋଧନ କରାଯାଇଥିଲା । ଆହୁରି ମଧ୍ୟ ସଂଶୋଧନ କରାଯିବ । ଆଜି ପ୍ରକାଶିତ ଭୋଟର ତାଲିକା ନେଇ କାହାର କିଛି ଆପତ୍ତି ଅଭିଯୋଗ ଥିଲେ ଏବଂ ଭୁଲବଶତଃ କାହାର ନାଁ କଟିଥିଲେ, ତାହାର ସଂଶୋଧନ ପ୍ରକ୍ରିୟା ଆରମ୍ଭ ହେବ । ଏହା ସେପ୍ଟେମ୍ୱର ୧ ତାରିଖ ପର୍ଯ୍ୟନ୍ତ ଜାରି ରହିବ ।
ଏପର୍ଯ୍ୟନ୍ତ ସଂଖ୍ୟାଲଘୁ ସମ୍ପ୍ରଦାୟର ୭ କୋଟି ୨୩ ଲକ୍ଷ ଲୋକ ଭୋଟର ତାଲିକାରେ ସାମିଲ ହେବା ପାଇଁ ପ୍ରମାଣପତ୍ର ସହ ଆବେଦନ କରିଛନ୍ତି । ସେପ୍ଟେମ୍ବର ୨୫ ସୁଦ୍ଧା ସମସ୍ତ ଆପତ୍ତି ଅଭିଯୋଗର ସମାଧାନ କରାଯିବ । ଏଥିପାଇଁ ଜିଲ୍ଲା ସ୍ତରରୁ ଆରମ୍ଭ କରି ବ୍ଲକ୍ ପର୍ଯ୍ୟନ୍ତ ସମସ୍ତ ନିର୍ବାଚନ ଅଧିକାରୀଙ୍କୁ ଦାୟିତ୍ୱ ଦେବାକୁ ନିର୍ବାଚନ କମିସନ ସ୍ଥିର କରିଛନ୍ତି । ବିହାରରେ ସ୍ୱତନ୍ତ୍ର ଭୋଟର ତାଲିକା ସଂଶୋଧନ ନେଇ ରାଜନୈତିକ ସ୍ତରରେ ଆରୋପ ପ୍ରତ୍ୟାରୋପ ଜାରି ରହିଛି । ସଂସଦରେ ବିରୋଧୀ ହୋହଲ୍ଲା କରିଛନ୍ତି। ସୁପ୍ରିମକୋର୍ଟରେ ମାମଲା ବିଚାରାଧୀନ ଅଛି ।