ଦୁଇ ସ୍ତ୍ରୀଙ୍କ ମଧ୍ୟରେ ଭାଗ ହେଲା ସ୍ବାମୀ : ପ୍ରଥମ ସ୍ତ୍ରୀ ପାଖରେ ୩ ଦିନ, ଦ୍ବିତୀୟ ସ୍ତ୍ରୀ ପାଖରେ ୩ ଦିନ ରହିବାକୁ ନିର୍ଦ୍ଦେଶ ।

କନକ ବ୍ୟୁରୋ : ବିହାରରୁ ଏକ ଅଜିବ ଗରିବ ଖବର ସାମ୍ନାକୁ ଆସିଛି । ଜଣେ ବ୍ୟକ୍ତି ନିଜର ଦୁଇ ସ୍ତ୍ରୀଙ୍କ ମଧ୍ୟରେ ଭାଗ ହୋଇଛନ୍ତି ଅର୍ଥାତ୍‌ ବାଣ୍ଟି ହୋଇଛନ୍ତି । ପ୍ରଥମ ସ୍ତ୍ରୀକୁ ନଜଣାଇ ବ୍ୟକ୍ତି ଜଣଙ୍କ ଦ୍ବିତୀୟ ବିବାହ କରିନେଲେ । ଏହା ପରେ ପ୍ରଥମ ସ୍ତ୍ରୀ ପୋଲିସ୍‌ ରେ ଅଭିଯୋଗ କରିଥିଲେ । ପୋଲିସ୍‌ ଏହି ମାମଲାଟିକୁ ପରିବାର ପରାମର୍ଶ କେନ୍ଦ୍ରକୁ ହସ୍ତାନ୍ତର କରିଦେଇଥିଲା ।

କାଉନସଲିଙ୍ଗ ପରେ ଉକ୍ତ ବ୍ୟକ୍ତିଙ୍କୁ କୁହାଗଲା ସପ୍ତାହକୁ  ୩ ଦିନ ପ୍ରଥମ ସ୍ତ୍ରୀ ସହ ଏବଂ ଆଉ ବାକି ତିନି ଦିନ ଦ୍ବିତୀୟ ସ୍ତ୍ରୀ ସହ ରହିବାକୁ  ନିର୍ଦ୍ଦେଶ ଦିଆଗଲା । ଆଉ ଯେଉଁ ଗୋଟିଏ ଦିନ ରହିଲା  ନିଜ ଖୁସି ଅନୁସାରେ ସେ କେଉଁଠି ବି ସମୟ ବିତାଇପାରିବେ ।

ଏଥିସହିତ  ପ୍ରଥମ ସ୍ତ୍ରୀ ଏବଂ ତାଙ୍କ ଦୁଇ ପିଲାଙ୍କ ପାଠପଢା ଏବଂ ଖାଇବା ଖର୍ଚ୍ଚ ପାଇଁ ପ୍ରତି ମାସରେ  ୪ ହଜାର ଟଙ୍କା ମଧ୍ୟ ଦେବାକୁ ପଡିବ । ଏହିପରି ଘଟଣା ଘଟିଛି ବିହାରର ପୁଣ୍ଣିଆରେ ।  ଯାହା ଏବେ  ଖୁବ୍‌ ଚର୍ଚ୍ଚା ହେଉଛି ।