ବାବା ସିଦ୍ଦିକି ହତ୍ୟା କାଣ୍ଡର ବଡ ତଥ୍ୟ ; ୩ମାସ ଆଗରୁ ହତ୍ୟା ପାଇଁ ହୋଇଥିଲା ବ୍ଲୁପ୍ରିଣ୍ଟ

କନକ ବ୍ୟୁରୋ: ମହାରାଷ୍ଟ୍ରର ପୂର୍ବତନ ମନ୍ତ୍ରୀ ତଥା ଭେଟେରାନ ଏନସିପି ନେତା ଅଜିତ ପାୱାର ଗ୍ରୁପର ବାବା ସିଦ୍ଦିକିିଙ୍କୁ ଗୁଳି କରି ହତ୍ୟା କରାଯାଇଛି । ବର୍ତ୍ତମାନ ଏହି ଘଟଣାର ରହସ୍ୟ ଉନ୍ମୋଚନ ପାଇଁ ପ୍ରୟାସ କରାଯାଉଛି । ଏହି ସମୟରେ ଅନେକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଅଭିଯୁକ୍ତଙ୍କ ସମ୍ପର୍କରେ ଆଉ ଏକ ନୂଆ ଦାବି କରାଯାଉଛି । ପୋଲିସ ଅଧିକାରୀ କହିଛନ୍ତି, ବାବା ସିଦ୍ଦିକିଙ୍କୁ ହତ୍ୟା କରିବାର ଯୋଜନା ୩ ମାସ ପୂର୍ବରୁ ପୁଣେରେ ଆରମ୍ଭ ହୋଇଥିଲା। ହତ୍ୟାକାରୀମାନେ ୟୁଟ୍ୟୁବରୁ କିପରି ସୁଟିଂ କରିବେ ତାହା ଶିଖିଥିଲେ। କେବଳ ଏତିକି ନୁହେଁ, ସେମାନେ କେବଳ ସ୍ନାପଚାଟ୍ ଏବଂ ଇନଷ୍ଟାଗ୍ରାମରେ ପରସ୍ପର ସହ ଯୋଗାଯୋଗ କରୁଥିଲେ ।

ସିଦ୍ଦିକିଙ୍କ ହତ୍ୟା ମାମଲାରେ ମୁମ୍ବାଇ କ୍ରାଇମ ବ୍ରାଞ୍ଚ ଟିମ ୪ଜଣଙ୍କୁ ଗିରଫ କରିଛି । ଅକ୍ଟୋବର ୨୧ପର୍ଯ୍ୟନ୍ତ ସମସ୍ତ ଅଭିଯୁକ୍ତ ପୋଲିସ ହେପାଜତ ରହିବେ । ଏନସିପି ନେତା ବାବା ସିଦ୍ଦିକିଙ୍କୁ ହତ୍ୟା କରିବାକୁ ଆସିଥିବା ଅଭିଯୁକ୍ତ ଗୁରୁମେଲ ସିଂ ଏବଂ ଧର୍ମରାଜ କାଶ୍ୟପ୍ ୬ରାଉଣ୍ଡ ଗୁଳି ଚଳାଇଥିଲେ । ଡାକ୍ତରଖାନା ନିଆଯିବାବେଳେ ବାବା ସିଦ୍ଦିକିଙ୍କର ମୃତ୍ୟୁ ହୋଇଥିଲା । ଗୁଳି ବିନିମୟର କିଛି ଘଣ୍ଟା ପରେ ଉଭୟଙ୍କୁ ଗିରଫ କରାଯାଇଥିଲା ।