ଶରୀର ପାଇଁ ଲାଭଦାୟକ ଭିଜା କିସମିସ, ଜାଣନ୍ତୁ କଣ ଲାଭ ମିଳିଥାଏ..

କନକ ବ୍ୟୁରୋ : କିସମିସ ଆମେ ସାଧାରଣତଃ ପାଟିର ସ୍ୱାଦ ପାଇଁ ଖାଇଦେଇଥାଉ । ଘରେ ଏମିତି ବସିଥିବାବେଳେ  କି ଚଲାବୁଲା କରିବା ସମୟରେ ଯଦି ନଜରରେ କିସମିସ ପଡିଗଲା ଆମେ ତାକୁ ପାଟିରେ ପକାଇଦେଇଥାଉ । କାରଣ ପାଟିକୁ ଭାରି ଭଲ ଲାଗିଥାଏ କିସମିସ୍ । ଏହାକୁ ମଧ୍ୟ ବିଭିନ୍ନ ମିଠା ଜିନିଷରେ ବ୍ୟବହାର କରାଯାଇଥାଏ । କିନ୍ତୁ ବୋଧ ହୁଏ ଆପଣ ଜାଣିନଥିବେ କିସମିସ ସ୍ୱାସ୍ଥ୍ୟ ପାଇଁ ଖୁବ ଉପକାରି ଏବଂ ଲାଭଦାୟକ ବୋଲି । କିସମିସରେ ଆଇରନ୍, କ୍ୟାଳସିୟମ, ମ୍ୟାଗ୍ନେସିୟମ ଏବଂ ଫାଇବର ପ୍ରଚୁର ମାତ୍ରାରେ ରହିଥାଏ । ଯାହା ଶରୀର ପାଇଁ ଲାଭଦାୟକ ହୋଇଥାଏ । ଖାଲି ଏତିକି ନୁହେଁ କିସମିସ ସେବନ ଦ୍ୱାରା ହଜମ ସମସ୍ୟା ଏବଂ କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ମିଳିଥାଏ । ଯଦି ଆପଣ କିସମିସ କୁ ସଠିକ୍ ଉପାୟରେ ସେବନ କରୁଛନ୍ତି ତେବେ ଏହା ପେଟ ସମସ୍ୟାରୁ ଦୂରେଇ ରଖିଥାଏ । କିସମିସ ଦ୍ୱାରା  ଶରୀରର   ମଧ୍ୟ ବଢିଥାଏ ।

ତେବେ ଚାଲନ୍ତୁ ଜାଣିବା କୋଷ୍ଠକାଠିନ୍ୟ ସମସ୍ୟା ଥିଲେ କିସମିସ କୁ କିପରି କରିବେ ସେବନ  ? ଯଦି ଆପଣଙ୍କୁ କୋଷ୍ଠକାଠିନ୍ୟ ସମସ୍ୟା ଅଛି ତେବେ ରାତିରେ କିସମିସ କୁ ଭିଜାଇ ରଖିଦିଅନ୍ତୁ । ଏହାକୁ ସକାଳେ ଖାଲିପେଟରେ ସେବନ କରନ୍ତୁ । ଏହାଦ୍ୱାରା ପେଟ ସଫା ହୋଇଥାଏ ।  କିସମିସ ରେ ଫାଇବର ପ୍ରଚୁର ମାତ୍ରାରେ ରହିଥାଏ । ଯାହା ହଜମ ପକ୍ରିୟାରେ ଉନ୍ନତି ଆଣିଥାଏ । 
 
ଶରୀରରେ ବୃଦ୍ଧି ହୋଇଥାଏ ଏନର୍ଜି

 ଭିଜା ହୋଇଥିବା କିସମିସ ଖାଇବା ଦ୍ୱାରା ଶରୀରକୁ ଶକ୍ତି ମିଳିଥାଏ । ଯଦି ଆପଣ ଆପଣଙ୍କ ହାର୍ଟ କୁ ସୁସ୍ଥ ରଖିବାକୁ ଚାହୁଁଛନ୍ତି ତେବେ ଭିଜା ହୋଇଥିବା କିସମିସ୍ କୁ ସେବନ କରିପାରିବେ । ଖାଲି ସେତିକି ନୁହେଁ ଯେଉଁମାନେ ଅଧିକ ପତଳା ସେମାନଙ୍କ ପାଇଁ  ଭିଜା ହୋଇଥିବା କିସମିସ୍ ଖୁବ୍ ଲାଭଦାୟକ ହୋଇଥାଏ । ଅର୍ଥାତ୍ ଯେଉଁମାନେ ଶରୀର ଓଜନ ବଢାଇବାକୁ ଚାହୁଁଛନ୍ତି ସେମାନେ ଭିଜା ହୋଇଥିବା କିସମିସକୁ ଖାଇପାରିବେ । ତେବେ କିସମିସ ଦ୍ୱାରା ଶରୀରକୁ କଣ ଲାଭ ମିଳେ ତାହାର ଏହା କିଛି ସାମାନ୍ୟ ସୂଚନା ମାତ୍ର । ତେବେ  ଅଧିକ ସୂଚନା ପାଇଁ ଆପଣ କୌଣସି ଡାକ୍ତରଙ୍କ ପରାମର୍ଶ ନେଇପାରିବେ । ଡାକ୍ତରଙ୍କ ପରାମର୍ଶ କ୍ରମେ ଏହା ଆପଣ ସେବନ କରିବା ଉଚିତ୍ ହେବ ।