ସୁନା କିଣୁଥିଲେ ସାବଧାନ: ଠକୁଛନ୍ତି ସୁନାଦୋକାନୀ!

କନକ ବ୍ୟରୋ: ଆପଣଙ୍କ ଘରେ ଥିବା ସୁନା ଅସଲି ତ? ଏଭଳି ସନ୍ଦେହକୁ ବଢ଼ାଇ ଦେଇଛି ବିଧାନସଭାରେ ବିଭାଗୀୟ ମନ୍ତ୍ରୀଙ୍କ ଉତ୍ତର। ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର କହିଛନ୍ତି ଗତ ୫ମାସରେ ୧୧୬ସୁନା ବ୍ୟବସାୟୀ ଗ୍ରାହକଙ୍କୁ ଠକିଥିବା ଜଣାପଡ଼ିଛି। କଟକ, ଭୁବନେଶ୍ବର ଓ ଗଞ୍ଜାମରେ ଏଭଳି ଠକେଇ ଅଧିକ ହେଉଛି। ପ୍ରଶ୍ନ ଉଠୁଛି, ସୁନା ଗହଣା ପାଇଁ ହଲମାର୍କ ବାଧ୍ୟତାମୂଳକ ହୋଇଥିବା ବେଳେ ଠକେଇ ପୁଣି ହେଉଛି କେମିତି?

ଗଣେଶ ପୂଜା ସହ ଆରମ୍ଭ ହୋଇଯାଇଛି ପାର୍ବଣ ଋତୁ । ଆଗକୁ ଦଶହରା, ଦୀପାବଳି ସହ ବାହାଘର ସିଜିନ ।  ସୁନାଦୋକାନରେ ଗହଳି ଆରମ୍ଭ ହୋଇଯିବ ।  ସମସ୍ତେ ସୁନା କିଣିବାରେ ବ୍ୟସ୍ତ ରହିବେ । ତେବେ ଯେଉଁ ଜୁଏଲରୀ ଦୋକାନକୁ ଯାଉଛନ୍ତି ଟିକିଏ ହୁସିଆର ହୋଇଯାଆନ୍ତୁ ।  କାରଣ ସୁନା ଦୋକାନୀ କରୁଛନ୍ତି ହେରଫର । ଆଉ ହେରଫେର ନେଇ ବିଧାନସଭାରେ ତଥ୍ୟ ରଖିଛନ୍ତି ବିଭାଗୀୟ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ନଜର ପକାନ୍ତୁ ତଥ୍ୟ ଉପରେ 

-ଗତ ୫ ମାସ ମଧ୍ୟରେ ଯୋଗାଣ ବିଭାଗ ୩୧୨୫ ସୁନା ଦେକାନାରେ ରେଡ କରିଛି 
-ଏଥିରେ ୧୧୬ ବ୍ୟବସାୟୀ ଗ୍ରାହକଙ୍କୁ ଠକିଥିବା ନଜରକୁ ଆସିଛି 
-ସେମାନଙ୍କ ବିରୁଦ୍ଧରେ ମାମଲା ରୁଜୁ ହୋଇଛି
-୩ଲକ୍ଷ୧୩ ହଜାର ଫାଇନ ଆଦାୟ କରାଯାଇଛି
-କଟକ-ଭୁବନେଶ୍ବର ସହ ଗଂଜାମରେ ସର୍ବାଧିକ ଠକେଇର ଶୀକାର ହୋଇଛନ୍ତି ଗ୍ରାହକ
-ଗଞ୍ଜାମରେ ୧୭, କଟକରେ ୧୭ ଜଣ ବ୍ୟବସାୟୀ ଗ୍ରାହକୁଙ୍କୁ ଠକିଥିବା ନଜରକୁ ଆସିଛି
-ଖୋର୍ଧାରେ ୧୬ ଜଣ ବ୍ୟବସାୟୀ ଗ୍ରାହକଙ୍କୁ ଠକିଛନ୍ତି
-ଗତବର୍ଷ ୪୯୫ ବ୍ୟବସାୟୀ ଗ୍ରାହକଙ୍କୁ ଠକିଥିବା ନଜରକୁ ଆସିଛି
-ସେମାନଙ୍କ ଠାରୁ ୧୫ ଲକ୍ଷ୩୦ ହଜାର ଫାଇନ ଆଦାୟ ହୋଇଛି

ସେପଟେ ମନ୍ତ୍ରୀ କହିଛନ୍ତି, ଆଗକୁ ଆହକୁ ଧରପଗଡ ହେବ । କେଉଁ କେଉଁ ଦୋକାନୀ ଏହି ଠକେଇ କରିଛନ୍ତି ତାର ଖୁଲାସା କରିନାହାନ୍ତି ମନ୍ତ୍ରୀ । ଯଦି ସେହି ସୁନାଦେକାନୀଙ୍କ ତାଲିକା  ପ୍ରକାଶ ହୋଇଥାନ୍ତା, ତାହାହେଲେ ଗ୍ରାହକ ଆହୁରି ସତର୍କ ହୋଇପାରିଥାନ୍ତେ ।