/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/media_files/2025/04/15/JyqZ273dI2gn8mG5rXCR.jpg)
କନକ ବ୍ୟୁରୋ: ଭାରତରେ ବିବାହ ସମାରୋହ ଆୟୋଜନ କରିବା ସହଜ ପାଠ ନୁହେଁ । ପରିବାର ଲୋକଙ୍କ ଖୁସି ସହ ଜଡ଼ିତ ଏହି ବାହାଘର । ଏଣୁ ପ୍ରତ୍ୟେକଙ୍କ ମନ ରଖି ଏହି ଶୁଭ କାର୍ଯ୍ୟ ସମ୍ପନ୍ନ କରିବାକୁ ପଡ଼େ । ଏଥିପାଇଁ ଅଧିକ ସମୟ ସହ ଅନେକ ଟଙ୍କା ମଧ୍ୟ ଖର୍ଚ୍ଚ କରିବାକୁ ପଡ଼ିଥାଏ । ହେଲେ ଏକ ମଧ୍ୟବିତ୍ତ ପରିବାର ପାଇଁ ଏହି ଟଙ୍କା ଯୋଗାଡ଼ କରିବା କାଠିକର ପାଠ ହୋଇଯାଏ । ଏହି ସମସ୍ୟାର ସମାଧାନ ପାଇଁ ବ୍ୟାଙ୍କଗୁଡ଼ିକ ଦେଉଛନ୍ତି ବାହାଘର ପାଇଁ ଋଣ ବା ମ୍ୟାରେଜ୍ ଲୋନ୍ । ଅଧିକାଂଶ ଲୋକ ଆଜି ବି ବ୍ୟାଙ୍କରେ ଥିବା ଏହି ସୁବିଧା ବିଷୟରେ ଅବଗତ ନୁହନ୍ତି । ଏହି ବ୍ୟାଙ୍କ ସ୍କିମ୍ ବିଷୟରେ ଜାଣିଲେ ଅନେକ ଲୋକ ଉପକୃତ ହୋଇପାରିବେ । ଏଥିପାଇଁ କ'ଣ ଯୋଗ୍ୟତା ରହିଛି ଓ କେଉଁମାନେ ଆବେଦନ କରିପାରିବେ ତାହା ଜାଣିବା ନିହାତି ଜରୁରି ।
ଅଧିକାଂଶ ସମୟରେ କାର୍ ଲୋନ୍, ହୋମ୍ ଲୋନ୍, ପର୍ସନାଲ୍ ଲୋନ୍ ବିଷୟରେ ଆଲୋଚନା ହୁଏ । କିନ୍ତୁ ଯଦି ଆପଣ ଆପଣଙ୍କ ବିବାହ କିମ୍ବା ନିଜ ପୁଅଝିଅଙ୍କ ବିବାହ ପାଇଁ ଟଙ୍କା ଆବଶ୍ୟକ କରୁଛନ୍ତି । ତେବେ ଡେରି ନକରି ବିବାହ ଲୋନ୍ ପାଇଁ ଆବେଦନ କରି ପାରିବେ । ମ୍ୟାରେଜ ଲୋନ୍ ଏକ ପ୍ରକାର ପର୍ସନାଲ ଲୋନ୍ । ଏହି ଟଙ୍କା ବିବାହ ଖର୍ଚ୍ଚ ଯେପରିକି ଗହଣା କିଣିବା, ଭେନ୍ୟୁ ବୁକିଂ, କ୍ୟାଟେରିଂ ଓ ବିବାହ ସାଜସଜ୍ଜା ଆଦି ପାଇଁ ଖର୍ଚ୍ଚ କରିପାରିବେ । ତେବେ ଏଭଳି ଲୋନ୍ ଆଣିଲେ ବ୍ୟାଙ୍କକୁ ଅଧିକ ସୁଧ ଦେବାକୁ ପଡ଼ିବ । ଅର୍ଥାତ ବିବାହ ପାଇଁ ଋଣ ନେଲେ ୧୦ ପ୍ରତିଶତରୁ ୨୪ ପ୍ରତିଶତ ପର୍ଯ୍ୟନ୍ତ ଋଣ ଦେବାକୁ ହେବ । ଏଥିପାଇଁ ଆବେଦନକାରୀଙ୍କ ବୟସ ୨୧ରୁ ୬୦ ବର୍ଷ ମଧ୍ୟରେ ହୋଇଥିବା ଆବଶ୍ୟକ । ବ୍ୟକ୍ତିଙ୍କ ଯୋଗ୍ୟତାକୁ ଦେଖିବା ପରେ ବ୍ୟାଙ୍କ ଆବେଦନକାରୀଙ୍କୁ ୫୦ ହଜାର ଟଙ୍କାରୁ ୫୦ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଦେବ । ବ୍ୟାଙ୍କ ସହ ଅନ୍ୟାନ ଫାଇନାନ୍ସିଆଲ ଇନ୍ଷ୍ଟିଚ୍ୟୁସନ୍ରୁ ଋଣ ନେଇ ପାରିବେ ଲୋକେ ।
ଏଥିପାଇଁ ଆବେଦନକାରୀଙ୍କ ଏକ ସ୍ଥାୟୀ ଆମଦାନୀ ଜରିଆ ରହିଥିବା ଆବଶ୍ୟକ । ଯେଉଁମାନଙ୍କ କ୍ରେଡିଟ୍ ସ୍କୋର୍ ଭଲ ଥିବ ସେମାନଙ୍କୁ ପ୍ରାଥମିକତା ଦିଆଯିବ । ଋଣ ପାଇଁ ବ୍ୟାଙ୍କରେ କୌଣସି ପ୍ରକାର ବଣ୍ଡ୍ କିମ୍ବା ବନ୍ଧକ ରଖିବାର ଆବଶ୍ୟକତା ନାହିଁ । କିନ୍ତୁ ବିବାହ ପର ମାସଠାରୁ ଋଣ ଗ୍ରହୀତାଙ୍କୁ EMI ଦେବାକୁ ହେବ । ଯେଉଁମାନେ ଏହି ସ୍କିମ୍ ପାଇଁ ଯୋଗ୍ୟ ସେମାନେ ନିକଟସ୍ଥ ବ୍ୟାଙ୍କରୁ ଏ ବାବଦରେ ଅଧିକ ସୂଚନା ପାଇ ପାରିବେ ।