କନକ ବ୍ୟୁରୋ: ସୁଧୁରୁନି ବାଂଲାଦେଶ। ବିଦ୍ୟୁତ୍ ସଙ୍କଟ ଯୋଗୁଁ ଦେଶର ଶିଳ୍ପ ଜଗତ ଏକପ୍ରକାର ପଙ୍ଗୁ ଅବସ୍ଥାରେ । ବାଂଲାଦେଶ ସରକାର ଅଦାନୀଙ୍କୁ ବକେୟା ଟଙ୍କା ଦେବେ କଣ ଓଲଟା କୋର୍ଟକୁ ଯାଇଛନ୍ତି । ବାଂଲାଦେଶର ସର୍ବୋଚ୍ଚ ନ୍ୟାୟାଳୟର ଜଣେ ଓକିଲ ହାଇକୋର୍ଟରେ ଏକ ଜନସ୍ୱାର୍ଥ ମାମଲା ଦାୟର କରି ଦାବି କରିଛନ୍ତି ଯେ ଭାରତର ଅଦାନୀ ଗ୍ରୁପ୍ ସହ ହୋଇଥିବା ବିଦ୍ୟୁତ ଚୁକ୍ତିର ସମୀକ୍ଷା କିମ୍ବା ବାତିଲ କରିବାକୁ ଅଦାଲତ ଅନ୍ତରୀଣ ସରକାରଙ୍କୁ ନିର୍ଦ୍ଦେଶ ଦିଅନ୍ତୁ। ବିଦ୍ୟୁତ୍ ସଙ୍କଟ ଯୋଗୁଁ ଦେଶର ଶିଳ୍ପ ଗୁଡ଼ିକ ନଷ୍ଟ ହେବାରେ ଲାଗିଛି ଏବଂ ଏବେ ଏହା ନିଜର ସ୍ଥିତିକୁ ଆହୁରି ଖରାପ କରିବାକୁ ଚେଷ୍ଟା କରୁଛି। ବାଂଲାଦେଶର ସର୍ବୋଚ୍ଚ ନ୍ୟାୟାଳୟର ଜଣେ ଓକିଲ ହାଇକୋର୍ଟରେ ଏକ ଜନସ୍ୱାର୍ଥ ମାମଲା ଦାୟର କରି ଦାବି କରିଛନ୍ତି ଯେ ଭାରତର ଅଦାନୀ ଗ୍ରୁପ୍ ସହ ହୋଇଥିବା ବିଦ୍ୟୁତ ଚୁକ୍ତିର ସମୀକ୍ଷା କିମ୍ବା ବାତିଲ କରିବାକୁ ଅଦାଲତ ଅନ୍ତରୀଣ ସରକାରଙ୍କୁ ନିର୍ଦ୍ଦେଶ ଦିଅନ୍ତୁ। ବାଂଲାଦେଶର ବ୍ୟାରିଷ୍ଟର ଏମ୍ ଅବଦୁଲ କୟୁମ୍ ଜନସ୍ୱାର୍ଥ ସମ୍ବନ୍ଧୀୟ ଏକ ମାମଲା ଭାବେ ଏକ ରିଟ୍ ପିଟିସନ୍ ଦାଖଲ କରିଛନ୍ତି।

Advertisment

ଏଥିରେ ସେ ୨୦୧୭ ନଭେମ୍ବର ୫ତାରିଖରେ ବାଂଲାଦେଶ ସରକାର ଏବଂ ଅଦାନୀ ପାୱାର ଲିମିଟେଡ୍ ମଧ୍ୟରେ ସ୍ୱାକ୍ଷରିତ ଚୁକ୍ତିର ବୈଧତାକୁ ଚ୍ୟାଲେଞ୍ଜ କରିଛନ୍ତି। ଅଦାନୀ ଗ୍ରୁପ୍ ସହ ଚୁକ୍ତିକୁ ନେଇ ଉଠିଲା ପ୍ରଶ୍ନ ? ଆଇନଜୀବୀ ଅବଦୁଲ କୟୁମ୍ ବାଂଲାଦେଶ ଦୈନିକ 'ଦ ଡେଲି ଷ୍ଟାର'କୁ କହିଛନ୍ତି  ଆସନ୍ତା ସପ୍ତାହରେ ହାଇକୋର୍ଟ ଏହି ମାମଲାର ଶୁଣାଣି କରିପାରିବେ। ପିଟିସନ ସମ୍ପର୍କରେ ସେ କହିଛନ୍ତି ଯେ ସେ ଅନେକ ବିଶେଷଜ୍ଞଙ୍କ ମତାମତ କୁ ଅନ୍ତର୍ଭୁକ୍ତ କରିଛନ୍ତି, ଯେଉଁମାନେ କହିଛନ୍ତି ଯେ ଏହି ଚୁକ୍ତି ଅନୁଯାୟୀ ବାଂଲାଦେଶକୁ କୋଇଲା ଭିତ୍ତିକ ବିଦ୍ୟୁତ ଅପେକ୍ଷା ନିମ୍ନ ମାନର କୋଇଲା ଶକ୍ତି ପାଇଁ ଅଧିକ ମୂଲ୍ୟ ଦେବାକୁ ପଡିବ। ସେପଟେ ସମୀକ୍ଷାର ସଙ୍କେତ ଦେଲେ ୟୁନୁସ ସରକାର ।

ଏହା ପୂର୍ବରୁ ମହମ୍ମଦ ୟୁନୁସଙ୍କ ଅନ୍ତରୀଣ ସରକାର ମଧ୍ୟ ଆଦାନୀ ଗ୍ରୁପ୍ ସହ ହୋଇଥିବା ଏହି ଚୁକ୍ତିର ସମୀକ୍ଷା କରିବାକୁ କହିଥିଲେ । ସରକାର ଜାଣିବାକୁ ଚାହୁଁଛନ୍ତି ଯେ ଚୁକ୍ତିର ସର୍ତ୍ତାବଳୀ କ'ଣ ଥିଲା ଏବଂ ବାଂଲାଦେଶ ପ୍ରକୃତରେ ଏହା ଅଧୀନରେ ବିଜୁଳି ପାଇଁ ଅଧିକ ମୂଲ୍ୟ ଦେଉଛି କି ନାହିଁ । ଶେଖ୍ ହସିନା ସରକାର ସମୟରେ ହୋଇଥିବା ଏହି ଚୁକ୍ତିକୁ ନେଇ ବାଂଲାଦେଶରେ ଅନେକ ବର୍ଷ ଧରି ପ୍ରଶ୍ନ ଉଠୁଛି। ବାଂଲାଦେଶ ଉପରେ ରହିଛି ହଜାର ହଜାର କୋଟି ଟଙ୍କାର ବିଲ୍ । ଅଦାନି ଗ୍ରୁପ୍ ସହ ହୋଇଥିବା ଏହି ଚୁକ୍ତିରୁ ବାଂଲାଦେଶକୁ ପ୍ରାୟ ୧୦ ପ୍ରତିଶତ ବିଜୁଳି ମିଳୁଥିଲେ ହେଁ ବିଦ୍ୟୁତ୍ ଅଭାବରୁ ବାଂଲାଦେଶର ଅଧିକାଂଶ ଶିଳ୍ପ ଧ୍ୱଂସ ହୋଇଯାଇଛି। ସେହିପରି ବାଂଲାଦେଶ ସରକାର ଗ୍ରୁପ୍ ଉପରେ ୭୦ କୋଟି ଟଙ୍କାର ବିଲ୍ ବକେୟା ରଖିଛନ୍ତି ।