ବାଲିଯାତ୍ରା :ଦର୍ଶକଙ୍କୁ ବାନ୍ଧିଲା ଆହେ ନୀଳଶଇଳ । ଭାବବିହ୍ୱଳ ହେଲେ ଦର୍ଶକ

କନକବ୍ୟୁରୋ : ପ୍ରଥମ ଥର ପାଇଁ କଟକ ବାଲିଯାତ୍ରାରେ ପରିବେଷଣ ହୋଇଛି ଚକଲେଟ ପ୍ରଡକ୍ସନର ବହୁଚର୍ଚ୍ଚିତ ନାଟକ "ଆହେ ନୀଳଶୈଳ"। ଗତକାଲି ବାଲିଯାତ୍ରାର ତୃତୀୟ ଦିନରେ ଅକ୍ଷୟ ମହାନ୍ତି ମଞ୍ଚରେ ଏହି ନାଟକ ମଞ୍ଚସ୍ଥ ହୋଇଛି ।  ଓଡିଆ ଜାତିର ଆରାଧ୍ୟ ଦେବତା ମହାପ୍ରଭୁ ଶ୍ରୀ ଜଗନ୍ନାଥଙ୍କୁ ନେଇ ରଚନା ହୋଇଥିବା ଏହି ନାଟକ ଓଡିଶା ତଥା ବାହାରେ ମଞ୍ଚସ୍ଥ ହୋଇ ଲୋକଙ୍କର ଅଜସ୍ର ଭଲପାଇବା ସାଉଁଟିଛି ।  ଗତକାଲି ବାଲିଯାତ୍ରା ମଞ୍ଚରେ ମଧ୍ୟ ଦର୍ଶକ ଏହି ନାଟକକୁ ମନଭରି ଉପଭୋଗ କରିଛନ୍ତି ।  କଳାକାରମାନଙ୍କ ନିଖୁଣ ଅଭିନୟ ଏବଂ ଜଗନ୍ନାଥଙ୍କ ଉପରେ ଆଧାରିତ କାହାଣୀ ଦେଖି ଲୋକେ ଭାବବିହ୍ୱଳ ହୋଇଯାଇଥିବା ଦେଖିବାକୁ ମିଳିଥିଲା   ସେହିପରି ପ୍ରଥମଥର ବାଲିଯାତ୍ରାରେ ଏହି ନାଟକ ପରିବେଷଣ କରି ସୁନ୍ଦର ଅନୁଭୂତି ପାଇଥିବା କହିଛନ୍ତି କଳାକାର।