କନକବ୍ୟୁରୋ : ବାଲିଶଙ୍କରା ମହାବିଦ୍ୟାଳୟ ଅଧ୍ୟକ୍ଷଙ୍କ ଅଭିନବ ଶୃଙ୍ଖଳା  । ଅବାଗିଆ କେଶ ସଜ୍ଜା, ସରୁ ପ୍ୟାଣ୍ଟକୁ ନା ।  ନବାଗତ ଛାତ୍ରଛାତ୍ରୀ ମହାବିଦ୍ୟାଳୟ ନିର୍ଦ୍ଦେଶିତ ସାଦାସିଧା ପୋଷାକ ପିନ୍ଧି ଆସିବେ । ଏହାକୁ ଅବମାନନା କରୁଥିବା  ଛାତ୍ରଛାତ୍ରୀ ମହାବିଦ୍ୟାଳୟରେ ପଶିପାରିବେ ନାହିଁ ।  ରାଜ୍ୟର ବିଭିନ୍ନ ଶିକ୍ଷାନୁଷ୍ଠାନରେ ଛାତ୍ରୀ ନିର୍ଯ୍ୟାତନା, ରାଗିଂକୁ ନେଇ ବିଶୃଙ୍ଖଳିତ ବାତାବରଣ ଲାଗି ରହିଛି ।

Advertisment

ଏହାକୁ ଆଖିରେ ରଖି ଆଦିବାସୀ ଅଧ୍ୟୁଷିତ ସୁନ୍ଦରଗଡ଼ ଜିଲ୍ଲାର  ବାଲିଶଙ୍କରା ବ୍ଲକ୍‌ ପଞ୍ଚାୟତସମିତି ମହାବିଦ୍ୟାଳୟ ଜାରି ହୋଇଛି ଏଭଳି ରୋଚକ ମାର୍ଗଦର୍ଶିକା  ମହାବିଦ୍ୟାଳୟରେ ଶୈକ୍ଷିକ ବାତାବରଣ ଓ ଛାତ୍ରଛାତ୍ରୀଙ୍କ ମଧ୍ୟରେ ଶୃଙ୍ଖଳା ଆଣିବାକୁ ଅଧ୍ୟକ୍ଷ କୁଳମଣି ସାହୁ ଏହି ଅଭିନବ ଆଦେଶ ଲାଗୁ କରିଛନ୍ତି  ।  ଯାହା ଜିଲ୍ଲା‌ରେ ଚର୍ଚ୍ଚାର ବିଷୟ ହୋଇଛି।   ନବାଗତ ଛାତ୍ରଛାତ୍ରୀ ଓ ସେମାନଙ୍କୁ ଅଭିଭାବକଙ୍କୁ ଏ ନେଇ ସଚେତନ କରାଯାଉଛି ।   ସମସ୍ତଙ୍କୁ  ସ୍ମରଣରେ ରଖିବାକୁ ମୁଖ୍ୟ ଫାଟକ ପାଖରେ ଏହି ଆଦେଶନାମାର ଏକ ସଦୃଶ୍ୟ ଫଳକ ଛିଡ଼ା କରି ଦେଇଛନ୍ତି  ।  ମହାବିଦ୍ୟାଳୟକୁ ପଶୁଥିବା ଛାତ୍ରଛାତ୍ରୀ ଫଳକ ଦେଖି ସତର୍କ ହୋଇଯାଉଥିବା ଅଧ୍ୟକ୍ଷ କହିଛନ୍ତି  ।