ସୋନପୁର ବିଜେଡି କର୍ମୀଙ୍କ ଗୁଣ୍ଡାରାଜ : ନିସ୍ତୁକ ମାଡ଼ ସହ କ୍ଷମା ମାଗିବାକୁ କଲେ ବାଧ୍ୟ

କନକବ୍ୟୁରୋ : ବିଜେଡି କର୍ମୀଙ୍କ ଗୁଣ୍ଡା ରାଜ  ।  ସୋନପୁର ବିଧାୟକ ନିରଞ୍ଜନ ପୂଜାରୀଙ୍କ ବିରୋଧରେ କହିବାରୁ ଯୁବକଙ୍କୁ ଥାର୍ଡ ଡିଗ୍ରୀ କଲେ ବିଜେଡି କର୍ମୀ । ସୋସିଆଲ ମିଡିଆରେ ଭାଇରାଲ ହେଲା ଭିଡିଓ ।  ଭିଡିଓରେ ଯୁବକଙ୍କୁ ନିସ୍ତୁକ ମାଡ଼ ମାରିବା ସହ ଜୋର ଜବରଦସ୍ତ କ୍ଷମା ମାଗିବାକୁ ବାଧ୍ୟ କରିଛନ୍ତି ବିଜେଡି କର୍ମୀ  । ବଲାଙ୍ଗୀରରୁ ଆସିଥିବା ଏଭଳି ଖବର ବେଶ ଚର୍ଚ୍ଚା ସାଉଁଟିଛି   ।

ବିଜେଡି କର୍ମୀମାନେ ଯୁବକଙ୍କୁ ମାଡ ମାରିବା ଘଟଣାକୁ ବିଜେପି ନିନ୍ଦା କରିଛି । ଯୁବକଙ୍କୁ ଅକଥନୀୟ ଭାବେ ଦାଣ୍ଡରେ ଗୋଡେଇ ଗୋଡେଇ ପିଟିବା ସହ କ୍ଷମା ପ୍ରାର୍ଥନା ପାଇଁ ଚାପ ପକାଉଛନ୍ତି ବିଜେଡି ନେତା ଓ କର୍ମୀ  ।  ରାଜନୀତିରେ ହିଂସାର ସ୍ଥାନ ନାହିଁ ବୋଲି କହିଛି ବିଜେପି । ଏବେ ଏହା ସୋସିଆଲ ମିଡିଆରେ ଭାଇରାଲ ହେବାପରେ ଜିଲ୍ଲାରେ ହଟଚମଟ ସୃଷ୍ଟି ହୋଇଛି  ।  ଏନେଇ ଥାନାରେ ଏତଲା ହୋଇଛି । ଘଟଣାକୁ ଗୁରୁତର ସହ ନେଇ ପୋଲିସ ଦୋଷୀମାନଙ୍କୁ ଧରିବା ସହ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଅପିଲ କରିଛନ୍ତି ବିଜେପି ଜିଲ୍ଲା ସଭାପତି   ।