ଶୂନ୍ୟ ପଡ଼ିଛି ରଥ, ପୂର୍ଣ୍ଣ କରିବେ ଦିଅଁ

ନବଦିନାତ୍ମକ ଯାତ୍ରା ପରେ ଆଜି ଶ୍ରୀମନ୍ଦିରକୁ ଫେରି ଆସିବେ ଶ୍ରୀବିଗ୍ରହ । ଚାଲିଛି ଗୋଟିଏ ପରେ ଗୋଟିଏ ନୀତି ।

ଶ୍ରୀବିଗ୍ରହଙ୍କ ଅପେକ୍ଷା କରିଛି ତିନି ରଥ । ସଜ ହୋଇ ରଥ ଉପରେ ବସିଛନ୍ତି ସାରଥି । ଝୁଲିଝୁଲି ଆସିବେ ଦାରୁଦିଅଁ ।

ଶ୍ରୀମନ୍ଦିର ଅଭିମୁଖେ ବାହୁଡ଼ି ଆସିବେ ଦାରୁବ୍ରହ୍ମ । ଚାହୁଁ ଚାହୁଁ ବିତି ଯାଇଛି ୯ ଦିନ । ଆଜି ଜନ୍ମବେଦିରୁ ବାହାରି ଆସିବେ କଳା ଠାକୁର ।

ନନ୍ଦିଘୋଷ ସତେ ବ୍ୟାଗ୍ର ହୋଇ ଅପେକ୍ଷା କରିଛି ମହାପ୍ରଭୁଙ୍କୁ । ଆଜି ଠାକୁରଙ୍କୁ ଶ୍ରୀମନ୍ଦିର ଫେରାଇ ନେବ । ସେପଟେ ଅପେକ୍ଷାରେ ରହିଛନ୍ତି ମାଆ ଲକ୍ଷ୍ମୀ ସାଆନ୍ତାଣୀ ।

ଆଉ କିଛି ସମୟର ଅପେକ୍ଷା । ଭକ୍ତଙ୍କ ଗହଣକୁ ଝୁଲିଝୁଲି ଆସିବେ ଶ୍ରୀବିଗ୍ରହ । ଆଜି ଭକ୍ତ ଓ ଭଗବାନଙ୍କ ମିଳନର ଦିନ ।