ଚକାନୟନ ଦେଖିବାକୁ ଆତୁର ହେଲାଣି ମନ

ମେଘମାଳା ତଳେ ଛିଡ଼ା ହୋଇଛନ୍ତି ତିନି ରଥ । କେବଳ ଚତୁର୍ଦ୍ଧାମୂର୍ତ୍ତିଙ୍କ ଆସିବାକୁ ଅପେକ୍ଷା । କେତେବେଳେ ଆସିବେ ପ୍ରଭୁ ?

ଆଜି ମହାପ୍ରଭୁ ଫେରିବେ ବୋଲି ସୁସଜ୍ଜିତ ହୋଇଛି ରଥ । ପାର୍ଶ୍ୱ ଦେବାଦେବୀ ମଧ୍ୟ ବ୍ୟଗ୍ର ହୋଇ ମହାପ୍ରଭୁଙ୍କ ଅପେକ୍ଷାରେ ରହିଛନ୍ତି ।

ଆଜି ପୁଣି ଶ୍ରୀବିଗ୍ରହଙ୍କ ସେବା କରିବାର ସୁଯୋଗ ପାଇବେ ସାରଥି । ଏଥିପାଇଁ ବଡ଼ି ଭୋରୁ ପ୍ରସ୍ତୁତ ହୋଇଛନ୍ତି । ଯେକୌଣସି ସମୟରେ ବାହାରି ଆସିବେ କଳା ଗୋସାଇଁ ।

ଶୃଙ୍ଖଳାର ସହିତ ବାହୁଡ଼ା ଯାତ୍ରା ସମ୍ପନ୍ନ କରିବାକୁ ପୁଲିସ କର୍ମଚାରୀ ବି ପ୍ରସ୍ତୁତ ହୋଇ ରହିଛନ୍ତି । ଧୀରେଧୀରେ ଭକ୍ତଙ୍କ ଗହଳି ବଢ଼ିବ ।

ଆଜି ଫେରିଯିବ ଗୁଣ୍ଡିଚାର ଗେହ୍ଲା ପୁଅ । ୯ ଦିନ ଧରି କେତେ ପରିପୂର୍ଣ୍ଣ ଲାଗୁଥିଲା ଏ ମନ୍ଦିର । ଏବେ ପୁଣି ଖାଲିଖାଲି ଲାଗିବ । ପୁଣି ଗୋଟିଏ ବର୍ଷକୁ ଅପେକ୍ଷା କରିବାକୁ ପଡ଼ିବ ।