/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/member_avatars/2025/05/31/2025-05-31t055911608z-1001121283.png)
/kanak/media/media_files/2025/07/01/bmc-issue-2025-07-01-19-55-29.jpg)
କନକ ବ୍ୟୁରୋ: କୁହାଯାଉଛି ବାବୁ ବନାମ ନେତା, ଏହି ପୂରା ଘଟଣାର ମୂଳ । ସ୍ୱଚ୍ଛ ସାଥୀ ରେବତୀ ରାଉତ ଓ ବିଜେପି କର୍ମୀଙ୍କୁ ଦୁର୍ବ୍ୟବହାର ପରେ କଥା ବଢ଼ିଥିଲା । ଦଳୀୟ କର୍ମୀଙ୍କୁ ଅତିରିକ୍ତ କମିସନର ଜଗା ପ୍ରଧାନ କିଏ ବୋଲି ପ୍ରଶ୍ନ କରିବାରୁ ଉତକ୍ଷିପ୍ତ ହୋଇପଡ଼ିଥିଲେ ସମର୍ଥକ ।
ମିଶନ ଶକ୍ତିରେ କାମ କରୁଥିବା ଭୁବନେଶ୍ୱର ୩୪ ନମ୍ୱର ୱାର୍ଡର ସ୍ୱଚ୍ଛ ସାଥୀ ହେଉଛନ୍ତି ରେବତୀ ରାଉତ । କୁହାଯାଉଛି, ଜୁନ୍ ୨୦ରେ ପ୍ରଧାନମନ୍ତ୍ରୀ ମୋଦୀଙ୍କ ଓଡ଼ିଶା ଗସ୍ତବେଳେ, ସେ କିଛି ଲୋକଙ୍କୁ ଯୋଗାଡ଼ କରି ବିଜେପି ବର୍ଷ ପୂର୍ତ୍ତି କାର୍ଯ୍ୟକ୍ରମକୁ ନେଇଥିଲେ । ଅଭିଯୋଗ ଅନୁସାରେ ଏଥିପାଇଁ ତାଙ୍କୁ ଚାକିରି ନେଇଯିବାର ଭୟ ଦେଖାଇଥିଲେ ବିଏମ୍ସି ଅତିରିକ୍ତ କମିସନର ରତ୍ନାକର ସାହୁ । ଏ ନେଇ ଖାରବେଳନଗର ଥାନାରେ ତାଙ୍କ ବିରୋଧରେ ଏତଲା ବି ଦେଇଥିଲେ ରେବତୀ ।
ଘଟଣାର ସତ୍ୟାସତ୍ୟ ଜାଣିବା ପାଇଁ ଅତିରିକ୍ତ କମିସନରଙ୍କୁ ଫୋନ୍ କରିଥିଲେ ବିଜେପି ନେତା ଜଗନ୍ନାଥ ପ୍ରଧାନ । ହେଲେ ରତ୍ନାକର ସାହୁ ତାଙ୍କୁ ଫୋନରେ ଅଶାଳୀନ ବ୍ୟବହାର କରିଥିବା ଅଭିଯୋଗ କରିଛନ୍ତି ଜଗନ୍ନାଥ । ଏଥିରେ ଉତକ୍ଷିପ୍ତ ହୋଇ ବିଏମ୍ସି ଅଫିସରେ ପହଞ୍ଚିଥିଲେ ବିଜେପି କର୍ମୀ । ଆଉ ତା ପରେ ଆରମ୍ଭ ହୋଇଥିଲା ମାଡ଼ ।
ଜଗନ୍ନାଥ ପ୍ରଧାନଙ୍କ କହିବା ହେଲା, ସ୍ବଚ୍ଛ ସାଥୀ ଓ ଦଳୀୟ କର୍ମୀଙ୍କୁ ଖରାପ ବ୍ୟବହାର କରିବାରୁ ଏଭଳି ପରିସ୍ଥିତି ସୃଷ୍ଟି ହେଲା । ଯାହାର ଜବାବ ରଖିଛନ୍ତି ଅତିରିକ୍ତ କମିଶନର ରତ୍ନାକର ସାହୁ । ସେପଟେ ସର୍ବସାଧାରଣରେ ଜଣେ କାର୍ଯ୍ୟରତ ଅଧିକାରୀଙ୍କୁ ମାଡ଼ମରା ଘଟଣାରେ ରାଜ୍ୟ ସରକାର ଓ ବିଜେପିକୁ ଘେରିଛନ୍ତି ବିରୋଧୀ । ତେବେ ଅଧିକାରୀଙ୍କୁ ମାଡ଼ ଘଟଣାରେ ତମ୍ୱିତୋଫାନ ସତ୍ତ୍ୱେ ମାଡ଼ ତତ୍ତ୍ୱ ସପକ୍ଷରେ ଯୁକ୍ତି ବାଢ଼ିଛନ୍ତି ବିଜେପି ନେତା ଜଗନ୍ନାଥ ପ୍ରଧାନ । ଜନପ୍ରତିନିଧିଙ୍କୁ ଉଚିତ ସମ୍ମାନ ଦିଆନଗଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଖୋଲାଖୋଲି ଚେତାବନୀ ଦେଇଛନ୍ତି ।