କନକବ୍ୟୁରୋ : ମନ୍ଦିର ଦର୍ଶନ ପାଇଁ ଅନଲାଇନ ସ୍ଲଟ୍ ବୁକିଂ କରୁଛି ହରି ଓମ୍ ଆପ । ଭିଆଇପି ଦର୍ଶନ ବୁକିଂ ନାଁରେ ଜଣକ ପିଛା ନେଉଛି ଏକ ହଜାର ଟଙ୍କା  ।  ବୁକିଂ କନ୍‌ଫର୍ମ ହେଲେ ଆସୁଛି ମେଲ୍ । ଭିଆଇପି ଦର୍ଶନ ପାଇଁ ରହିଛି ବେନିଫିଟ୍ ।  ପୂଜାରୀ ସହାୟତା କରିବେ ବୋଲି ଲେଖା ଯାଇଅଛି  । ଧାଡ଼ିରେ ଯିବାକୁ ପଡିବ ନାହିଁ ।  ସଂକଳ୍ପ ପୂଜା କରିବେ ।  ଶ୍ରୀ ହରିଙ୍କ ପାଦ ପଦ୍ମରୁ ତୁଳସୀ ପତ୍ର ପ୍ରସାଦ ଓ ଚାଉଳ ପ୍ରସାଦ ପାଇ ପାରିବେ ବୋଲି ମଧ୍ୟ ଉଲ୍ଲେଖ କରାଯାଇଅଛି  ।

Advertisment

ବଡ଼ କଥା ହେଉଛି  ଛପନ ଭୋଗକୁ ଏଥିରେ ଡାଲି ଭାତ ବୋଲି ଦର୍ଶାଯାଇଛି ।  ନିର୍ଦ୍ଧାରତ ସମୟରେ ୩୦ ମିନିଟ୍ ପୂର୍ବରୁ ପହଞ୍ଚିବାକୁ ନିର୍ଦ୍ଦେଶ ରହିଛି । ନିଜ ଆଇଡି କାର୍ଡ ମଧ୍ୟ ରଖିବାକୁ କୁହାଯାଇଛି  ।  ତେବେ କାମାକ୍ଷୀ ଶ୍ରୀବାସ୍ତବ ନାମକ ଜଣେ ବ୍ୟକ୍ତି ନିଜ ପରିବାର ପାଇଁ ଏହି ବୁକିଙ୍ଗ କରି ମେଲ ପାଇଥିଲେ  ।   ୮ ଜଣଙ୍କ ପାଇଁ ୮ ହଜାର ଟଙ୍କା ସେ ପେମେଣ୍ଟ କରିଛନ୍ତି ।  ୨୫ ତାରିଖରେ ବୁକିଂ କରିବା ପରେ ୨୭ ତାରିଖରେ କନ୍‌ଫର୍ମେସନ୍ ପାଇଥିଲେ  ।  ଯେଉଁ ମେଲର ଏକ କପି ଏବେ ସୋସିଆଲ ମିଡ଼ିଆ ରେ ଘୁରି ବୁଲୁଛି  ।  ତେବେ ଶ୍ରୀମନ୍ଦିର ରେ ଏଭଳି କୌଣସି ବ୍ୟବସ୍ଥା ନଥିବା ବେଳେ ଏଭଳି ଚିତ୍ର କେମିତି ଆସିଲା , ତାହା ତଦନ୍ତ ସାପେକ୍ଷ  ।