କନକ ବ୍ୟୁରୋ: ଆଜି ମଧ୍ୟ ଗୃହକାର୍ଯ୍ୟ ଆରମ୍ଭରୁ ହଟ୍ଟଗୋଳ କରିଛନ୍ତି ବିରୋଧୀ । କିଛି ଦିନ ଧରି ଚିକିଟି ମଦମୃତ୍ୟୁକୁ ନେଇ ଗୃହରେ ହଙ୍ଗାମା ଲାଗିରହିଥିବାବେଳେ ଆଜି ଏକାଧିକ ପ୍ରସଙ୍ଗକୁ ନେଇ ବିରୋଧୀ କଂଗ୍ରେସ ହଙ୍ଗାମା କରିଥିଲେ । କେତେବେଳେ ଚିକିଟି ମଦମୃତ୍ୟୁ, କେତେବେଳେ ଛାତ୍ର ସଂସଦ ନିର୍ବାଚନ ତ ଆଉ କେତେବେଳେ ପଛୁଆ ବର୍ଗଙ୍କୁ ସଂରକ୍ଷଣ ଦାବି ନେଇ ବିରୋଧୀ ହୋହାଲ୍ଲା କରିଥିଲେ । ଏପରିକି ବାଚସ୍ପତିଙ୍କ ପୋଡିୟମକୁ ଚଢିଯାଇଥିଲେ କଂଗ୍ରେସ ବିଧାୟକ ତାରା ବାହିନୀପତି । ଏହାପରେ ବାଧ୍ୟ ହୋଇ ଗୃହକୁ ସାଢେ ୧୧ଟା ଯାଏଁ ମୁଲତବୀ ଘୋଷଣା କଲେ ବାଚସ୍ପତି ।