କନକ ବ୍ୟୁରୋ: ମୁଁ ପ୍ରାର୍ଥନା କରିବି, ଦୟାକରି ସମସ୍ତେ ବାହାରକୁ ଯାଆନ୍ତୁ
କିଛି ସମୟ ପରେ ICUରେ ଶୁଭିଥିଲା ଗୁଳି ଶବ୍ଦ
 ଚଟାଣରେ ପଡ଼ିଥିଲା IPS ଙ୍କ ରକ୍ତ ଜୁଡ଼ୁବୁଡ଼ୁ ଦେହ

Advertisment

ଆମେ କହୁଛୁ ଆସାମର ପୂର୍ବତନ ଗୃହ ସଚିବ ଶିଲାଦିତ୍ୟ ଚେତିୟାଙ୍କ କଥା । କ୍ୟାନ୍ସରରେ ପୀଡ଼ିତା ପତ୍ନୀଙ୍କର ହସ୍ପିଟାଲରେ ମୃତ୍ୟୁ ପରେ ଡାକ୍ତର ତାଙ୍କ ପାଇଁ ପ୍ରାର୍ଥନା କରିବେ ବୋଲି କହି ନର୍ସଙ୍କୁ ଆଇସିୟୁରୁ ବାହାରିଯିବାକୁ କହିଥିଲେ । ସମସ୍ତେ ବାହାରକୁ ବାହାରିଯିବା ପରେ ହଠାତ୍ ଏକ ଶବ୍ଦ ଶୁଭିଲା । ସମସ୍ତେ ଦୌଡ଼ିଯାଇ ଦେଖିବା ବେଳକୁ ଆଉ କିଛି ନଥିଲା । ତଳେ ପଡ଼ିଥିଲା ଶିଲାଦିତ୍ୟଙ୍କ ରକ୍ତ ଜୁଡ଼ୁବୁଡ଼ୁ ନିସ୍ତେଜ ଶରୀର । ନିଜ ସର୍ଭିସ୍ ରିଭରବଲରେ ନିଜକୁ ଗୁଳି କରି ଆତ୍ମହତ୍ୟା କରିଥିଲେ । 

କିଛି ଦିନ ପୂର୍ବରୁ ଶିଲାଦିତ୍ୟଙ୍କ ମାଆ ଓ ଶାଶୁଙ୍କର ପରଲୋକ ହୋଇଥିଲା । ଏହାପରେ ପତ୍ନୀଙ୍କୁ ବ୍ରେନ୍ ଟ୍ୟୁମର ହୋଇଥିବା ଜଣାପଡ଼ିଥିଲା  । ଅନେକ ସ୍ଥାନରେ ଚିକିତ୍ସା କରାଇବା ପରେ ବି କିଛି ଲାଭ ହୋଇନଥିଲା ଶେଷରେ ନିଜ ପତ୍ନୀଙ୍କୁ ହରାଇଥିଲେ । ଆଉ ପତ୍ନୀଙ୍କ ବିୟୋଗ ପରେ ନିଜକୁ ଗୁଳି କରି ଆତ୍ମହତ୍ୟା କରିଥିଲେ । ଏହାକୁ ୪୪ ବର୍ଷୀୟ ଶିଲାଦିତ୍ୟଙ୍କ ପତ୍ନୀଙ୍କ ପ୍ରତି ପ୍ରେମ କହିବେ ନା ଜୀବନ ପ୍ରତି ଅଭିଯୋଗ ବୋଲି କହିବେ ?

ଶିଲାଦିତ୍ୟ ଖୁବ୍ ହସଖୁସ୍ ମିଜାଜର ବ୍ୟକ୍ତି ଥିଲେ । ବିଭାଗୀୟ କର୍ମଚାରୀଙ୍କ ସହ ସେ ଖୁବ୍ ମିଶୁଥିଲେ । ତେଣୁ ସହକର୍ମୀ ତାଙ୍କୁ ଶିଲା ଭାଇ ବୋଲି ଡାକୁଥିଲେ । ୨୦୦୯ ବ୍ୟାଚର ଆଇପିଏସ୍ ଥିଲେ ଶିଲାଦିତ୍ୟ । କାମରେ ବି ଦକ୍ଷ ଥିଲେ । 

ଡିଆଇଜି ରାଙ୍କ୍, ଖୋଲା ହୃଦୟ ଆଉ କାମରେ ଧୂରନ୍ଦର ଆଇପିଏସଙ୍କ ଗଣତିରେ ଆସୁଥିଲେ  ଶିଲାଦିତ୍ୟ । କେହି କେବେ ତାଙ୍କୁ ଉଦାସ ହେବାର ଦେଖୁନଥିଲେ । ହେଲେ ଏଭଳି ଜଣେ ହସଖୁସିଆ ମଣିଷଙ୍କ ଜୀବନରେ ଦୁଃଖ ଯେମିତି ମାଡ଼ିଆସିଲା । ବାପା, ମାଆ, ଶାଶୁ ଜଣଙ୍କ ପରେ ଜଣେ ଆରପାରିକୁ ଚାଲିଗଲେ । ଆଉ ତାର କିଛି ମାସ ପରେ ପ୍ରିୟ ମଣିଷ ପତ୍ନୀଙ୍କୁ ବ୍ରେନ୍ ଟ୍ୟୁମର ହୋଇଥିବା ଜଣାପଡ଼ିଲା । ଏ ସବୁ ଶିଲାଦିତ୍ୟଙ୍କୁ ମନ ପ୍ରାଣକୁ ଯେପରି ଝୁଣିଦେଇଥିଲା । ପତ୍ନୀ ଆଗାମୋନିଙ୍କର ଗୌହାଟ୍ଟିର ଏକ ହସ୍ପିଟାଲରେ ଚିକିତ୍ସା ଚାଲିଥିବାବେଳେ ମୃତ୍ୟୁ ହୋଇଥିଲା, ଯାହାକୁ ଆଉ ସହିପାରିନଥିଲେ , ଆଉ ନିଜକୁ ଗୁଳି କରି ନିଜ ହାତରେ ନିଜ ଜୀବନ ନେଲେ । ଏ ଘଟଣା ପୂରା ପୁଲିସ ବିଭାଗକୁ ସ୍ତବ୍ଧ କରିଦେଇଥିଲା । 

ଯେଉଁ ଆଇପିଏସଙ୍କୁ ବାହାଦୁରୀ ପାଇଁ ଜଣାଯାଉଥିଲା । ଆତଙ୍କୀ ବିରୋଧୀ ଅଭିଯାନ ପାଇଁ ଜଣାଯାଉଥିଲା । ଗୃହ ମନ୍ତ୍ରଣାଳୟରେ ବି ନିଜ ଦକ୍ଷତା ପ୍ରମାଣିତ କଲେ, ଆଉ ଏସବୁ ପାଇଁ ତାଙ୍କୁ ରାଷ୍ଟ୍ରପତିଙ୍କ ଠାରୁ ବୀରତ୍ବ ପୁରସ୍କାର ମିଳିଥିଲା ସେ ପୁଣି ନିଜ ଜୀବନ ନେଇପାରନ୍ତି ଏହାକୁ କେହି ବି ସହଜେ ଗ୍ରହଣ କରିପାରୁନଥିଲେ । ଯାହା ଉପରେ ଆସାମ ସରକାର ଏତେ ଭରସା କରୁଥିଲେ ସେ ପୁଣି ଜୀବନରୁ ହାରିଯାଇ ମୃତ୍ୟୁକୁ ବାଛିନେଲେ …ଏ ଘଟଣା ୨୦୨୪ ଜୁନ୍ ୧୮ ର କିନ୍ତୁ ଆଜିକା ଦିନରେ ପାରିବାରିକ ସମସ୍ୟାକୁ ନେଇ ହତ୍ୟା ଘଟଣା ବଢ଼ୁଥିବାବେଳେ ଜଣେ ଆଇପିଏସଙ୍କର ନିଜ ପରିବାର ଓ ପତ୍ନୀଙ୍କ ପ୍ରତି ଏତେ ଭଲପାଇବା  ସମସ୍ତଙ୍କ ପାଇଁ ଏକ ଶିକ୍ଷା ନିଶ୍ଚୟ ।