କନକ ବ୍ୟୁରୋ: ବିହାରରେ କାଲିଠାରୁ ଆରମ୍ଭ ହେଉଛି ହକି ଏସିଆ କପ୍। ସେପ୍ଟେମ୍ବର ୭ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ହକି ଏସିଆ କପ୍ ୨୦୨୫ରେ ବଡ଼ ପରିବର୍ତ୍ତନ ଘଟିଛି। ପାକିସ୍ତାନ ଓ ଓମାନ ସୁରକ୍ଷା ଓ ଆଭ୍ୟନ୍ତରୀଣ କାରଣରୁ ଟୁର୍ଣ୍ଣାମେଣ୍ଟରୁ ନାମ ପ୍ରତ୍ୟାହାର କରିଛନ୍ତି। ହକି ଇଣ୍ଡିଆ ସଭାପତି ଦିଲୀପ ତିର୍କୀ କହିଛନ୍ତି, ପାକିସ୍ତାନ ନିଜେ ସୁରକ୍ଷା କାରଣରୁ ଅଂଶଗ୍ରହଣ କରୁନାହିଁ । ଓମାନ୍ ପାକିସ୍ତାନ ବଦଳରେ ବାଂଲାଦେଶ ଓ କାଜାକସ୍ତାନକୁ ଟୁର୍ଣ୍ଣାମେଣ୍ଟରେ ସାମିଲ କରାଯାଇଛି। ଏସିଆ ହକି ଫେଡେରେସନ ଅନୁଯାୟୀ, ଏହି ଆଠଟି ଦଳର ଟୁର୍ଣ୍ଣାମେଣ୍ଟରୁ ବିଜେତା ୨୦୨୬ ଏଫଆଇଏଚ୍ ହକି ବିଶ୍ୱକପ୍‌ରେ ସିଧାସଳଖ ପ୍ରବେଶ କରିବେ। ଭାରତ ପୁଲ୍ ଏ’ରେ ଚୀନ, ଜାପାନ ଓ କାଜାକସ୍ତାନ ସହିତ ରହିଛି, କାଲି ଭାରତ ତାର ଅଭିଯାନ ଚୀନ ବିପକ୍ଷରେ ଆରମ୍ଭ କରିବ। ପୁଲ୍ ବି’ରେ ମାଲେସିଆ, କୋରିଆ, ବାଂଲାଦେଶ ଓ ଚାଇନିଜ୍ ତାଇପେଇ ରହିଛନ୍ତି।

Advertisment