ମଇଁଷିରେ ବସି ଗଲେ, ବିଧାୟକ ହେବାକୁ ନାମାଙ୍କନ କଲେ; ଦେଖନ୍ତୁ ଭିଡିଓ....

କନକ ବ୍ୟୁରୋ: ବିହାରରେ ଏବେ ଚାଲିଛି ନିର୍ବାଚନର ପର୍ବ । ନେତାମାନେ ଏବେ ନାମାଙ୍କନ ଚଲାଇଥିବାବେଳେ, ପ୍ରଚାର ଅଭିଯାନକୁ ମଧ୍ୟ ଜୋରଦାର କରିଛନ୍ତି । ଆଉ ଏହାରି ଭିତରେ ଦେଖିବାକୁ ମିଳିଛି ଏକ ରୋଚକ ଦୃଶ୍ୟ । ତେଜପ୍ରତାପ ଯାଦବଙ୍କ ନୂଆ ପାର୍ଟି ଜନଶକ୍ତି ଜନତା ଦଳର ଜଣେ ପ୍ରାର୍ଥୀ ଅରୁଣ ଯାଦବ ମଇଁଷି ଉପରେ ବସି ନାମାଙ୍କନ ଦାଖଲ କରିବାକୁ ଯାଇଛନ୍ତି । ଯାହାର ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି ।

ଭିଡିଓ ଦେଖନ୍ତୁ...

ଅରବଲର ନାମାଙ୍କନ ଦାଖଲ କାର୍ଯ୍ୟାଳୟରେ ଯେତେବେଳେ ଅରୁଣ ଯାଦବ ପହଞ୍ଚିଥିଲେ, ସେତେବେଳେ ସବୁ ଗଣମାଧ୍ୟମର ନଜର ତାଙ୍କ ଉପରେ ପଡ଼ିଥିଲା । କାହିଁକି ନା ସେ ମଇଁଷି ଉପରେ ବସି ନାମାଙ୍କନ ଦାଖଲ କରିବାକୁ ଆସିଥିଲେ । ତାଙ୍କ ହାତରେ ଲାଲୁ ଯାଦବଙ୍କ ଫଟୋ ଥିଲା ଆଉ ସେ ନିଜେ ବସିଥିଲେ ମଇଁଷି ଉପରେ । ସମର୍ଥକଙ୍କ ସହ ନାରାବାଜି ଭିତରେ ସେ ନିଜର ନାମାଙ୍କନ ଦାଖଲ କରିଥିଲେ ।

ରେଲୱେ ସମ୍ପର୍କିତ ଫେକ୍‌ ଭିଡିଓ ପୋଷ୍ଟ କଲେ ନିଆଯିବ ଦୃଢ କାର୍ଯ୍ୟାନୁଷ୍ଠାନ : ଅଶ୍ୱିନୀ ବୈଷ୍ଣବ

ଅରୁଣ ଯାଦବଙ୍କ କହିବା କଥା, ସେ ସାଧାରଣ ଲୋକଙ୍କ ପ୍ରାର୍ଥୀ । ତେଣୁ ଅତି ସାଧାରଣ ଭାବେ ନାମାଙ୍କନ ଦାଖଲ କରିବାକୁ ଆସିଥିଲେ । ମଇଁଷି ଆମ କଠିନ ପରିଶ୍ରମ କରୁଥିବା ଜନତାଙ୍କ ପ୍ରତୀକ । ଯାହାକୁ ଚାଷୀ ଆଉ ଗରିବ ଘରର ଲୋକ ଲାଳନପାଳନ କରିଥାନ୍ତି । ତେଣୁ ଆମେ ବି ସେହି ଢଙ୍ଗରେ ଲୋକଙ୍କ ସେବା କରିବୁ ।  ଜାଣିରଖିବା ଉଚିତ ଯେ, ତେଜପ୍ରତାପ ଯାଦବ ଏଥର ନିଜର ନୂଆ ପାର୍ଟି ଗଠନ କରିଛନ୍ତି । ଯାହାର ନାଁ ରହିଛି ଜନଶକ୍ତି ଜନତାଦଳ । ଏଥର ଅନେକ ସିଟରେ ତେଜପ୍ରତାପ ଯାଦବଙ୍କ ଦଳ ନିଜର ପ୍ରାର୍ଥୀ ଦେଇଛି ।