ଦୁଷ୍କର୍ମ ବିରୋଧୀ ବିଲ୍ ପାସ

କନକ ବ୍ୟୁରୋ: ଦୁଷ୍କର୍ମ ବିରୋଧୀ ବିଲ ପାସ। କୋଲକାତାରେ ବିରୋଧ ତେଜୁଥିବା ବେଳେ ପଶ୍ଚିମବଙ୍ଗ ସରକାର ଦୁଷ୍କର୍ମ ଅଭିଯୁକ୍ତଙ୍କୁ କଡା ଦଣ୍ଡ ଦେବାକୁ ଅପରାଜିତା ବିଲ୍ ପାସ କରିଛନ୍ତି । ଏହି ବିଲ୍ ଅଧୀନରେ ଦୁଷ୍କର୍ମ ଓ ହତ୍ୟା ମାମଲାରେ ଅଭିଯୁକ୍ତଙ୍କୁ ମୃତ୍ୟୁ ଦଣ୍ଡାଦେଶ ଦେବାକୁ ନିୟମ ରହିଛି। ଚାର୍ଜସିଟ୍ ଦାଖଲ ହେବାର ୩୬ ଦିନ ମଧ୍ୟରେ ମୃତ୍ୟୁଦଣ୍ଡର ବ୍ୟବସ୍ଥା କରାଯିବାକୁ ନିୟମ କରାଯାଇଛି।

ଦୁଷ୍କର୍ମ ଓ ହତ୍ୟା ମାମଲାରେ ମୃତ୍ୟୁ ଦଣ୍ଡାଦେଶ

ଚାର୍ଜସିଟ୍ ଦାଖଲ ହେବାର ୩୬ ଦିନ ମଧ୍ୟରେ ମୃତ୍ୟୁଦଣ୍ଡର ବ୍ୟବସ୍ଥା
କେବଳ ଦୁଷ୍କର୍ମ ନୁହେଁ ଏସିଡ୍ ଆକ୍ରମଣ ମଧ୍ୟ ଏକ ଗୁରୁତର ଅପରାଧ
ଏହି ବିଲରେ ଆଜୀବନ କାରାଦଣ୍ଡର ବ୍ୟବସ୍ଥା ରହିଛି
ପ୍ରତି ଜିଲ୍ଲାରେ ସ୍ପେଶାଲ ଫୋର୍ସ-ଅପରାଜିତା ଟାସ୍କ ଫୋର୍ସ ଗଠନ କରାଯିବ
ଅପରାଜିତା ଟାସ୍କ ଫୋର୍ସ ଦୁଷ୍କର୍ମ, ଏସିଡ୍ ଆକ୍ରମଣ କିମ୍ବା ଅସଦାଚରଣ ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରିବ
ଯଦି କେହି ପୀଡ଼ିତାଙ୍କ ପରିଚୟ ପ୍ରକାଶ କରନ୍ତି ତେବେ ତାଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ

ପୂର୍ବରୁ ଆନ୍ଧ୍ର ଓ ମହାରାଷ୍ଟ୍ର ଆଣିଛନ୍ତି ବିଲ୍

ବିଲ୍ ଆଣିବାକୁ ପଶ୍ଚିମବଙ୍ଗରେ ସ୍ୱତନ୍ତ୍ର ଅଧିବେଶନ ଡକାଯାଇଛି
ଏଭଳି ବିଲ୍ ଆଗତ କରିବାରେ ପ୍ରଥମ ରାଜ୍ୟ ନୁହେଁ
ପୂର୍ବରୁ ଦୁଇଟି ରାଜ୍ୟ ଏଭଳି ବିଲ୍ ଆଗତ କରିଛନ୍ତି
ଆନ୍ଧ୍ରପ୍ରଦେଶ ସରକାର ୨୦୧୯ରେ ‘ଦିଶା ବିଲ୍’ ଆଣିଥିଲେ
ମହାରାଷ୍ଟ୍ର ସରକାର ୨୦୨୦ରେ ‘ଶକ୍ତି ବିଲ୍’ ଆଣିଥିଲେ
କିନ୍ତୁ ଏହି ବିଲକୁ ଅନୁମୋଦନ ମିଳିନାହିଁ
ରାଷ୍ଟ୍ରପତି ଅନୁମୋଦନ କଲେ ଆଇନରେ ପରିଣତ ହେବ
ଓଡ଼ିଶା ବି ପଶ୍ଚିମବଙ୍ଗ ଭଳି ବିଲ୍ ଆଣିବ କି?
ଓଡ଼ିଶାରେ ମହିଳାଙ୍କ ବିରୋଧରେ ହିଂସା ଚିନ୍ତାଜନକ
ଦିଲ୍ଲୀ ଦୁଷ୍କର୍ମ ଘଟଣା ପରେ ନିର୍ଭୟା ନାଁରେ କେନ୍ଦ୍ର ସରକାର ଆଇନ୍ ଆଣିଛନ୍ତି
କିନ୍ତୁ ମହିଳାଙ୍କ ବିରୋଧରେ ବଢ଼ୁଥିବା ଅପରାଧ କମିନି
କେନ୍ଦ୍ର ସରକାର ବିଭିନ୍ନ ରାଜ୍ୟକୁ କର୍ପସ ଫଣ୍ଡର ବ୍ୟବସ୍ଥା କରିଛନ୍ତି
ଅନେକ ରାଜ୍ୟ ଏହି ପାଣ୍ଠିର ସଦୁପଯୋଗ କରିପାରୁନାହାନ୍ତି
୨୦୨୦ର ରିପୋର୍ଟ ଅନୁଯାୟୀ ଓଡ଼ିଶା ପାଣ୍ଠିର ୨୫ ପ୍ରତିଶତରୁ କମ୍ ଖର୍ଚ୍ଚ କରିଛି