ଯେତେ ଦିନର କାଶ ହେଉ ଶୀଘ୍ର ଭଲ ହେବ : ଉପଶମ କରିବ ଘରୋଇ ଉପଚାର

କନକବ୍ୟୁରୋ : ଶୀତ ପଡ଼ିଲାଣି ମତେ ଥଣ୍ଡା, କାଶ ହେବା ଗୋଟେ ସାଧାରଣ ସମସ୍ୟା । କେବେ କାଶ ଶୀଘ୍ର ଭଲ ହୋଇଯାଏ ହେଲେ ଅନେକ ସମସ୍ୟାରେ କାଶ ସପ୍ତାହ ସପ୍ତାହ ଧରି ଲାଗି ରୁହେ ।  ଏମିତି କାଶ ଯେ ନା କଥା କହିହୁଏ ନା ଶୋଇହୁଏ । କିନ୍ତୁ ଏଭଳି କିଛି ଘରୋଇ ଉପଚାର ଅଛି ଯାହା ଆପଣାଇଲେ ଯେତେ ଦିନର କାଶ ହେଉ ପଛେ ଭଲ ହୋଇଯିବ ।  ଏବେ ଜାଣନ୍ତୁ  କିଛି ଘରୋଇ ଉପଚାର :

କାଶ ଦୁଇଟି କାରଣରୁ ହୋଇପାରେ ପେଟ ଗରମ ହେଲେ ଶୁଖିଲା କାଶ ହୁଏ । ଥଣ୍ଡା ହେଲେ କଫ ଜମି ଲହରା କାଶ ହୁଏ । ଫଳରେ ତଣ୍ଟି ଟି ଛିଡ଼ିଯାଇ ରକ୍ତ ବି ବେଳେ ବେଳେ ପଡ଼େ । କାଶ ଯୋଗୁଁ ତଣ୍ଟି , ବି ଦରଜ ହୋଇ ସ୍ବର ପଡ଼ିଯାଏ । ତେବେ ଯଦି ଆପଣଙ୍କର ଶୁଖିଲା କାଶ ହେଉଛି , ତାହେଲେ ଚିମୁଟେ ହଦଳି ଗୁଣ୍ଡ ନିଅନ୍ତୁ ।  ଏହାକୁ କଳରେ ଜାତି ରଖି ଏହାକୁ ଧୀରେ ଧୀରେ ଢ଼ୋକନ୍ତୁ। ଯେମିତି କିଛି ଚକଲେଟ୍ କି ଅଁଳା ଜାତି ତାର ରସକୁ ଧୀରେ ଧୀରେ ଢ଼ୋକନ୍ତି ସେଭଳି ହଳଦୀର ରସକୁ ଢ଼ୋକନ୍ତୁ ।

ଅଧିକ ପଢନ୍ତୁ... ଶୀତଦିନେ ଏମିତି ନିଅନ୍ତୁ ନିଜ ତ୍ବଚାର ଯତ୍ନ

ହଳଦି  ବେଷ୍ଟ ଆଣ୍ଟିବାୟୋଟିକ୍ ହୋଇଥିବାରୁ ଏହା ଧୀରେ ଧୀରେ  ଗଳାକୁ ଠିକ କରିବା ସହ କାଶ ସମସ୍ୟାକୁ ଦୂରେଇ ଦେବ । ହଁ ବ୍ୟବହାର କରୁଥିବା ହଳଦି ଶୁଦ୍ଧ ହୋଇଥିବା ଦରକାର । କାରଣ ବଜାରରେ ମିଳୁଥିବା ଅଧିକାଂଶ ହଳଦି ଅପମିଶ୍ରିତ ବା ଭେଜାଲ ହୋଇଥିବା କାରଣରୁ ଏହାର ଔଷଧୀୟ ଗୁଣ ଉପରେ ବି ସନ୍ଦେହ ରହିଛି  । 
 କାଶ ପାଇଁ ହଳଦିର ଉପଚାର ଥରକରେ ଯଦି  କାମ ନଦିଏ ଏହାକୁ ଦ୍ବିତୀୟ ଥର ବ୍ୟବହାର କରନ୍ତୁ ନିଶ୍ଚୟ ଉପଶମ ମିଳିବ । ଦିନକୁ ୪ରୁ ୫ ଥର ହଳଦୀ ଗୁଣ୍ଡକୁ କଳରେ ଜାକିଲେ ଉପଶମ ମିଳିବ ନିଶ୍ଚୟ ।

ଏବେ ଜାଣିବା କଫ କାଶ ବା ଥଣ୍ଡା କାଶ ହେଲେ କ’ଣ କରିବେ : 
ଗୋଟେ ଚାମଚ ଅଦାରସ ନିଅନ୍ତୁ  । ସେଥିରେ ଅଧା ଚାମଚ ମହୁ ମିଶାଇ ଏହାକୁ ଦିନକୁ ୩ରୁ ୪ ଥର ସେବନ କରନ୍ତୁ । ଦେଖିବେ ଗଳାରୁ କଫ ଖସିବ ଏବଂ ଗଳା ସଫା ହୋଇଯିବ ।  କଫ ତରଳି କାଶ ବାଟେ ବାହାରିଯିବ ।  ଏବଂ ଦିନେ ଦୁଇ ଦିନରେ ଏହି ଘରୋଇ ଉପଚାର ଘୋର କାଶ ସମସ୍ୟାକୁ ବି ଦୂରେଇଦେବ ।  ଏହି ପଥିର ପ୍ରଥମ ବ୍ୟବହାରରେ ହିଁ ହାଲକା ଅନୁଭବ କରିବେ । ଆଉ ୩ରୁ ୪ଥରର ବ୍ୟବହାର କାଶ ସମସ୍ୟାକୁ ନିଶ୍ଚୟ ଦୂର କରିବ । ତେବେ ଆଜି ହିଁ ଏହି ଘରୋଇ ଉପଚାର ଆପଣାନ୍ତୁ ଏବଂ କାଶରୁ ମୁକ୍ତି ପାଆନ୍ତୁ ।