କନକ ବ୍ୟୁରୋ: ଜଣେ ମହିଳାଙ୍କ ହାତ ବାନ୍ଧି ମୁହଁରେ କଳା ବୋଳି ଚପଲ ମାଳ ପିନ୍ଧାଇ ଗାଁରେ ବୁଲାଇଲେ ମହିଳା । ଅନୁଗୁଳ ହଣ୍ଡପା ଥାନା ଅଞ୍ଚଳରେ ଅଭାବନୀୟ ଘଟଣା । ମାତ୍ର ୨୦୦୦ ଟଙ୍କା ଶୁଝି ନପାରିବାରୁ ମୁହଁରେ କଳା ବୋଲି ଗାଁ ସାରା ବୁଲାଇଲେ ।  ଏହି ସ୍ପର୍ଶକାତର ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସ୍ବୟଂ ସହାୟକ ସଂଘରୁ ନେଇଥିବା ଟଙ୍କା ଠିକ୍ ସମୟରେ ଫେରସ୍ତ କରି ନ ପାରିବାରୁ ମହିଳାଙ୍କୁ ଏଭଳି ଅକଥନୀୟ ନିର୍ଯାତନା ଦିଆଯାଇଛି । ଏହି ଭିଡ଼ିଓଟି ପ୍ରାୟ ୧୦-୧୫ ଦିନ ପୂର୍ବର ବୋଲି ଜଣାପଡିଛି। ତବେ ଘଟଣାକୁ ଗୁରୁତର ସହ ନିଆଯାଇଥିବା କହିଛନ୍ତି ନେଇ ଅନୁଗୁଳ ଏସପି ରାହୁଲ ଜୈନ । ଏ ଗାଁ ଲୋକଙ୍କ ଦ୍ୱାରା ହୋଇଥିବା ଏକ ଚିଟଫଣ୍ଡରୁ ଟଙ୍କା ଋଣ ନେବା ଘଟଣାରେ ଏଭଳି ହୋଇଥିବା ଜଣାପଡ଼ିଛି । ୧୪ ତାରିଖ ଦିନ ହଣ୍ଡପା ଥାନାରେ FIR ହୋଇଛି । ଘଟଣାର ତଦନ୍ତ ଲାଗି ହଣ୍ଡପା ଥାନା ଆଇଆଇସିଙ୍କୁ ନିର୍ଦ୍ଦେଶ ଦିଆଯାଇଛି। ନିଜେ IIC ଘଟଣାର ତଦନ୍ତ କରୁଛନ୍ତି । ୭ ଅଭିଯୁକ୍ତଙ୍କୁ ଏ ମାମଲାରେ ନୋଟିସ କରାଯାଇଛି। ପୀଡ଼ିତା ଙ୍କୁ ମଧ୍ୟ କାଉନସେଲିଂ କରାଯାଉଛି ।