ଉଜୁଡ଼ା କ୍ଷେତ ନେଲା ଆଉ ଜଣେ ଚାଷୀଙ୍କ ଜୀବନ

କନକ ବ୍ୟୁରୋ : ପୁଣି ଜଣେ ଚାଷୀଙ୍କ ମୃତ୍ୟୁ ଅଭିଯୋଗ । ଏଥର କଟକ ଜିଲ୍ଲା ବାରଙ୍ଗରୁ ଆସିଛି ଏମିତି ଅଭାବନୀୟ ଖବର । ବାରଙ୍ଗ ବ୍ଲକ ଉସୁମା ପଞ୍ଚାୟତ ସୁମାନଡି ଗାଁର ଚାଷୀ ଇନ୍ଦ୍ରଜିତ୍ ଛାଟୋଇଙ୍କ ମୃତ୍ୟୁ ହୋଇଛି । ଉଜୁଡ଼ା କ୍ଷେତ ଦେଖି ଘରକୁ ଫେରିବା ପରେ ଚାଷୀ ଇନ୍ଦ୍ରଜିତ୍ ଛାଟୋଇଙ୍କର ହୃଦଘାତରେ ମୃତ୍ୟୁ ହୋଇଥିବା ଅଭିଯୋଗ ଆସିଛି । ସେ କିଛି ଜମି ଭାଗରେ ଆଣି ଚାଷ କରିଥିଲେ । ତେବେ ବିଲରୁ ଘରକୁ ଆସିବା ପରେ ଘରେ ଟଳିପଡିଥିଲେ ।

କିଛିଦିନ ତଳେ ଦୁଇଜଣ ଚାଷୀ ଫସଲ ନଷ୍ଟ ଦୁଃଖରେ ମୃତ୍ୟୁବରଣ କରିଥିଲେ । ଅଦିନିଆ ବର୍ଷାରେ ତାଙ୍କର ଫସଲ ନଷ୍ଟ ହେବା ପରେ ଜଣେ ଚାଷୀ ବିଲରେ ହିଁ ଟଳିପଡ଼ିଥିଲେ ।