ପୁଣି ଏକ ଦନ୍ତା ହାତୀ ମୃତ୍ୟୁ । ବିସ୍ଫୋଟକ ଖାଇ ମୃତ୍ୟୁ ଘଟିଥିବା ସନ୍ଦେହ ।

ଦେବଗଡ଼ ରିଆମାଳ ବନାଞ୍ଚଳରୁ ହାତୀର ମୃତଦେହ ଠାବ । ବନବିଭାଗର ଛାନଭିନ୍ ।

କେମିତି ମଲା ଦନ୍ତା?

କେମିତି ମଲା ଦନ୍ତା? Photograph: (kanaknews)

କନକ ବ୍ୟୁରୋ :  ପୁଣି ଏକ ଦନ୍ତା ହାତୀର ମୃତଦେହ ଉଦ୍ଧାର ହୋଇଛି । ଦେବଗଡ଼ ରିଆମାଳ ବନାଞ୍ଚଳ କୁଣ୍ଢେଇଗୋଳା ଫରେଷ୍ଟ ସେକ୍ସନ ଗରିଆମାଲ ଗାଁରୁ ଉଦ୍ଧାର ହୋଇଛି ହାତୀର ମୃତଦେହ । ହାତୀଟିର ବୟସ ୨୫ରୁ ୩୦ ହେବାର ଅନୁମାନ କରାଯାଉଛି । ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ହାତୀଟିକୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଖାଦ୍ୟ ନାଁରେ ବିସ୍ଫୋଟକ ଖାଇ ମୃତ୍ୟୁ ଘଟିଥିବା ସନ୍ଦେହ ମଧ୍ୟ କରାଯାଉଛି ।

ସେପଟେ ହାତୀର ପାଟି ତଳେ କ୍ଷତ ଦେଖାଯାଉଥିବାରୁ ସଂକ୍ରମଣ ଜନିତ ରୋଗ ହୋଇପାରେ ବୋଲି ଅନୁମାନ କରାଯାଉଛି । ଘଟଣାସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି ।
 

ସମ୍ବନ୍ଧୀୟ ପ୍ରବନ୍ଧଗୁଡ଼ିକ
Here are a few more articles:
ପରବର୍ତ୍ତୀ ପ୍ରବନ୍ଧ ପ Read ଼ନ୍ତୁ
Subscribe