କଟକରୁ ବାଂଲାଦେଶୀ ନାବାଳିକା ଉଦ୍ଧାର ଘଟଣା । ଆଉ କିଛି ଦଲାଲଙ୍କ ନାଁ କହିଲେ ନାବାଳିକା ।

କନକ ବ୍ୟୁରୋ : କଟକରେ ବାଂଲାଦେଶୀ ନାବାଳିକା ଉଦ୍ଧାର ଘଟଣା । ଆଉ ଜଣେ ଦଲାଲଙ୍କୁ ଗିରଫ କରିଛି ପୁଲିସ । ଗିରଫ ଦଲାଲ ହେଲେ ଅବଦୁଲ ସୟଦ ସୁଲେମାନ । ତାଙ୍କ ଠାରୁ କିଙ୍ଗ କିନ୍ ଗୋପୀର କିଛି ତଥ୍ୟ ମିଳିଥିବା ଜଣାପଡ଼ିଛି । ବଡ଼ କଥା ହେଉଛି, କେବଳ ଭୁବନେଶ୍ବର, କଟକ ନୁହେଁ, ପଶ୍ଚିମବଙ୍ଗ ଲିଙ୍କ ଥିବା ଉଦ୍ଧାର ବାଂଲାଦେଶୀ ନାବାଳିକା ଠାରୁ ଜାଣିବାକୁ ପାଇଛି ପୁଲିସ । ଏଥିରେ ଏକାଧିକ ଲୋକଙ୍କର ସଂପୃକ୍ତି ଥିବା କହିଛି ନାବାଳିକା । ଭୁବନେଶ୍ୱର, ପଶ୍ଚିମବଙ୍ଗ ଓ କଟକକୁ ମିଶାଇ ନାବାଳିକା ଏକାଧିକ ଲୋକଙ୍କ ନାଁ କହିଛି । ଏମାନଙ୍କୁ ଧରିବା ପାଇଁ ପୁଲିସ ତଦନ୍ତ ଜାରି ରଖିଛି । 

ସେପଟେ ନାବାଳିକା ପରିବାର ଠାରୁ ନାବାଳିକା ସମ୍ପର୍କରେ କିଛି ତଥ୍ୟ ମାଗିଛି ପୁଲିସ । ସୂଚନା ଅନୁସାରେ, ସୋମବାର ଲକ୍ଷ୍ମୀସାଗର ଥାନା ଅଞ୍ଚଳରୁ ଦୁଇଜଣ ଦଲାଲଙ୍କୁ ଉଠାଇଥିଲା ପୁଲିସ । ବାଂଲାଦେଶୀ ନାବାଳିକା ଉଦ୍ଧାର ଘଟଣାରେ ଏମାନଙ୍କୁ ପଚରାଉଚରା କରାଯାଉଛି । ଉଦ୍ଧାର ହୋଇଥିବା ବାଂଲାଦେଶୀ ନାବାଳିକା ପୁଲିସ ଆଗରେ ଏମାନଙ୍କ ନାଁ କହିଥିଲା । ନାବାଳିକାଙ୍କୁ କୋଲକାତାରୁ ଭୁବନେଶ୍ୱର ଆଣିବାରେ ଏମାନଙ୍କ ସଂପୃକ୍ତି ରହିଥିବା ଜଣାଇଛି । ଏବେ ଏମାନଙ୍କ ମଧ୍ୟରୁ ଜଣଙ୍କୁ ଗିରଫ କରିଛି ପୁଲିସ ।