ଭୁବନେଶ୍ବର ବିମାନ ବନ୍ଦରରେ ପୁଣି ବୋମା ଆତଙ୍କ : ସମସ୍ତ ଯାତ୍ରୀଙ୍କର କରାଗଲା ଯାଞ୍ଚ, ମିଳିଲାନି ବୋମା

କନକବ୍ୟୁରୋ : ପୁଣି ବିମାନରେ ବୋମା ଆତଙ୍କ। ଭୁବନେଶ୍ୱର ବିମାନବନ୍ଦରରେ ଇଣ୍ଡିଗୋ ବିମାନର ହେଲା ଜରୁରୀ ଅବତରଣ । ଭୁବନେଶ୍ବରରୁ ଦିଲ୍ଲୀ ଅଭିମୁଖେ ଉଡାଣ ଭରୁଥିବା ବେଳେ କଲା ଜରୁରୀ ଅବତରଣ କରିଛି ବିମାନ । ବିମାନରେ ବୋମା ଥିବା ନେଇ ଧମକ ମିଳିବା ପରେ ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ବିମାନର ଜରୁରୀ ଅବତରଣ କରାଯାଇଛି । 

ତେବେ ବିମାନର ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି । ବୋମା ଆତଙ୍କ ପରେ ବିମାନରେ ତଲାସୀ ଆରମ୍ଭ କରିଥିଲେ ସୁରକ୍ଷାକର୍ମୀ। ତେବେ କୌଣସି ବୋମାର ସନ୍ଧାନ ମିଳିପାରି ନାହିଁ  । ଗତ କିଛି ଦିନ ହେବ  ଲଗାତାର ବିଭିନ୍ନ ବିମାନକୁ ବୋମା ଧମକ ମିଳି ଆସୁଛି । ଯାହାଫଳରେ ଯାତ୍ରୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।