ରାତିରେ ରାଜଧାନୀରେ ପୁଣି ଦୁର୍ଘଟଣା । କାରକୁ ଧକ୍କା ଦେଲା ମଦ୍ୟପ ଚାଳକ

କନକ ବ୍ୟୁରୋ : ପୁଣି ରାଜଧାନୀରେ ବିଳମ୍ବିତ ରାତିରେ ଘଟିଛି ସଡ଼କ ଦୁର୍ଘଟଣା । ରାଜଧାନୀ ଭୁବନେଶ୍ୱରର ଏକାମ୍ର ଭିଲ୍ଲା ଛକ ନିକଟରେ ଘଟିଛି ଏହି ଦୁର୍ଘଟଣା ।  ଗୋଟିଏ ଭଲଭୋ କାରକୁ ପିଟିଲା ଡିଜାୟାର । ଖବର ପାଇ ଘଟଣାସ୍ଥଳରେ ପହଂଚି ଥିଲେ ନୟାପଲ୍ଲୀ ପୋଲିସ । ଡିଜାୟାର କାରର ଚାଳକ ଜଣଙ୍କ ମଦ୍ୟପାନ କରି ଦୃତ ଗତିରେ ଜୟଦେବ ବିହାର ଆଡୁ ଏକାମ୍ର ଭିଲା ଆଡ଼କୁ ଆସୁଥିବା ବେଳେ ଏକାମ୍ର ଭିଲା ଠାରେ ଭଲଭୋ କାରକୁ ଧକ୍କା ଦେଇଥିଲା । 

ତେବେ ଏହି ଦୁର୍ଘଟଣାରେ କାହାର କିଛି ବିଶେଷ କ୍ଷତି ହୋଇନାହିଁ । ରାଜଧାନୀରେ ପ୍ରତ୍ୟେକ ଦିନ କେଉଁଠି ନା କେଉଁଠି ଛୋଟ ବଡ଼ ଦୁର୍ଘଟଣା ଦେଖିବାକୁ ମିଳୁଛି । ଯାହାକୁ ନେଇ ଏବେ ଚିନ୍ତାରେ ରାଜଧାନୀ ବାସିନ୍ଦା । ଆଉ ଏଭଳି ଦୁର୍ଘଟଣା ହେବାର ମୁଖ୍ୟ କାରଣ ହେଉଛି ମଦ୍ୟପାନ କରି ଡ୍ରାଇଭର ଗାଡ଼ି ଚଲାଉଛନ୍ତି ବୋଲି କହିଛନ୍ତି ସ୍ଥାନୀୟ ବାସିନ୍ଦା ।