ଆଉ ୫ ହଜାର ଡାକ୍ତରଙ୍କୁ ଖୁବ ଶୀଘ୍ର ଦିଆଯିବ ନିଯୁକ୍ତି:  ମୁକେଶ ମହାଲିଙ୍ଗ

କନକ ବ୍ୟୁରୋ : ଆଉ ୫ ହଜାର ଡାକ୍ତରଙ୍କୁ ଖୁବ ଶୀଘ୍ର ମିଳିବ ନିଯୁକ୍ତି । ସମ୍ବାଦ ନ୍ୟୁଜ୍ କନକ୍ଲେଭରେ ସୂଚନା ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ । ଚଳିତ ଆର୍ଥିକ ବର୍ଷରେ ୫ ହଜାର ଡାକ୍ତରଙ୍କୁ ନିଯୁକ୍ତି ଦିଆଯିବ । ଏଥିସହିତ ୩ ହଜାର ପାରାମେଡିକସଙ୍କୁ  ନିଯୁକ୍ତି ମିଳିବ ।  

ଏନେଇ ସମସ୍ତ ପ୍ରକ୍ରିୟା ଆରମ୍ଭ ହୋଇସାରିଛି । ଆଗାମୀ ଆର୍ଥିକ  ବର୍ଷରେ ଆଉ ୨ଟି ମେଡିକାଲ କଲେଜ କାର୍ଯ୍ୟକ୍ଷମ ହେବ ।  ୮ ବିଏସସି  ନସିଂ କଲେଜ ପାଇଁ ଯୋଜନା ରହିଛି ।  ସବୁ ଜିଲ୍ଲାରେ ମେଡିକାଲ କଲେଜ  କରିବାକୁ  ଲକ୍ଷ୍ୟ ରହିଛି । ଏଥିସହିତ ସବୁ ମେଡିକାଲ କଲେଜରେ ପିିଜି  ଖୋଲିବାକୁ  ଲକ୍ଷ୍ୟ ରହିଛି । ୧୫ ଶହ  ପିଜି  ସିଟ୍  ମେଡିକାଲ କଲେଜରେ ଅଛି । ଏହାକୁ ବଢାଇବାକୁ ପଦକ୍ଷେପ  ନିଆଯିବ । ସବୁ ଗ୍ରାମ ପଞ୍ଚାୟତରେ ଆରୋଗ୍ୟ ମନ୍ଦିର ହେବ  ବୋଲି ହେଲଥ  କନକ୍ଲେଭରେ ସୂଚନା ଦେଇ କହିଛନ୍ତି  ଶ୍ରୀ ମହାଲିଙ୍ଗ ।