ଫିକି କ୍ଲବ ତରଫରୁ ଉତ୍କଳ ଫ୍ଲୋ ବଜାରର ଘୋଷଣା । ବ୍ୟବସାୟ ବୃଦ୍ଧି କରିବାରେ ଆଣିବ ସୁଯୋଗ

କନକ ବ୍ୟୁରୋ :  ଫେଡେରେସନ୍ ଅଫ୍ ଇଣ୍ଡିଆନ୍ ଚାମ୍ବରସ୍ ଅଫ୍ କମର୍ସ ଆଣ୍ଡ ଇଣ୍ଡଷ୍ଟ୍ରିର ଲେଡିଜ୍ ଅର୍ଗାନାଇଜେସନ୍ (ଫିକି ଫ୍ଲୋ), ଭୁବନେଶ୍ୱର ଚାପ୍ଟର ପକ୍ଷରୁ ଚଳିତ ମାସ ୨୭ ଏବଂ ୨୮ ତାରିଖରେ ନିକଟସ୍ଥ ହୋଟେଲ ପାଲ୍ ହାଇଟ୍ସରେ ଉତ୍କଳ ଫ୍ଲୋ ବଜାର ଆୟୋଜନ କରିବାକୁ ଯାଉଛି । ଆସନ୍ତା ଉତ୍ସବର ଭରପୁର ମଜା ଉଠାଇବାର ସୁଯୋଗ ଏହି ବଜ଼ାର ଜରିଆରେ ନେଇପାରିବେ । ଅଂଶଗ୍ରହଣକାରିଙ୍କ ଅନନ୍ୟ ଉତ୍ପାଦ ଏବଂ ସେବା ଉପରେ ସ୍ୱତନ୍ତ୍ର ଡିଲ୍ ସହ ଏହି ପ୍ରଦର୍ଶନୀରେ ବିଶେଷ ବ୍ୟବସ୍ଥା କରାଯାଇଛି ।

ଦୈତ ନଗରୀର ସମସ୍ତ ବାସିନ୍ଦାଙ୍କ ପାଇଁ ଉଭୟ ଫିକି ଫ୍ଲୋ ସଦସ୍ୟ ତଥା ଅନ୍ୟାନ୍ୟ ଅଣ-ଫ୍ଲୋ ସଦସ୍ୟ ଏହି ବଜାରରେ ନିଜର ସର୍ବଶେଷ ସଂଗ୍ରହ ଉପଲବ୍ଧ କରିଇବା ପାଇଁ ଏହି ବଜାର ଏକ ଉତ୍କୃଷ୍ଟ ସୁଯୋଗ । ଏହି ଫ୍ଲୋ ବଜାରରେ ହାଇଦ୍ରାବାଦ, କୋଲକାତା, ନୂଆଦିଲ୍ଲୀ ଏବଂ ଦେଶର ଅନ୍ୟାନ୍ୟ ସ୍ଥାନରୁ ଉତ୍ପାଦମାନ ଏବଂ ସ୍ୱତନ୍ତ୍ର ସଂଗ୍ରହ ମଧ୍ୟ ରହିଛି ।

ଫ୍ୟାଶନେବଲ ପୋଷାକ, ଘର ସାଜସଜ୍ଜା, ହସ୍ତତନ୍ତ, ଖାଦ୍ୟ କିମ୍ବା ଅନ୍ୟାନ୍ୟ କ୍ଷେତ୍ରର ଉତ୍ପାଦମାନ ଏହି ଉତ୍କଳ ଫ୍ଲୋ ବଜାରର ଚଳିତ ସଂସ୍କରଣ ଏକ ମୁଖ୍ୟ ଆକର୍ଷଣ ଜ୍ଝ ଆଶା କରାଯାଉଛି ବ୍ୟାପକ ଦର୍ଶକଙ୍କ ନିକଟରେ ଏହା ପହଞ୍ଚିବା ସହ ଆଗାମୀ ଉତ୍ସବ ଋତୁ ପୂର୍ବରୁ ଆପଣଙ୍କ ଉତ୍ସବକୁ ଏହା ଆହୁରି ଉତ୍ତମ କରିବାରେ ସହାୟକ ହୋଇପାରିବ ।

ଏହି ଇଭେଣ୍ଟର ଉଦଘାଟନୀ ସମାରୋହରେ ଫିକି ଫ୍ଲୋ ଅଧକ୍ଷା ରଶ୍ମି ସାହୁଙ୍କ ସହ ଓଡ଼ିଶାର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହିବେ । ଏହି ବଜାର ସମ୍ବନ୍ଧରେ, ସମସ୍ତ ଉଦ୍ୟୋଗୀ ଏକତ୍ରିତ ହୋଇ ସେମାନଙ୍କ ଉତ୍ପାଦ ପ୍ରଦର୍ଶନ କରିବା ପାଇଁ ଏହା ଏକ ସୁଯୋଗ, ଯାହା ଜାତୀୟ ତଥା ଆନ୍ତର୍ଜାତୀୟ ବଜାରରେ ନୂତନ ଉଚ୍ଚତାରେ ପହଞ୍ଚିବା ପାଇଁ ଆମର ଏକ ପ୍ରୟାସ ବୋଲି ଅଧ୍ୟକ୍ଷା ରଶ୍ମୀ ସାହୁ କହିଛନ୍ତି ।

ଏହି ଉତ୍କଳ ଫ୍ଲୋ ବଜାରରେ ପ୍ରାୟ ୩୦ ଟି ଷ୍ଟଲ୍ ରହିଛି, ସ୍ଥାନୀୟ କାରିଗରମାନଙ୍କ କଳାକୃତି ପାଇଁ ଏହା ଏକ ଉତ୍ସର୍ଗୀକୃତ ସ୍ଥାନ ପ୍ରସ୍ତୁତି ବ୍ୟତୀତ ଯେଉଁଠାରେ ସେମାନେ ସେମାନଙ୍କ ଭିନ୍ନ ଓ ଅନନ୍ୟ ଉତ୍ପାଦମାନ ପ୍ରଦର୍ଶନ କରିବାର ସୁଯୋଗ ପାଇବେ ଏବଂ ଅନେକ ବ୍ୟବସାୟ ସଂଯୋଗ ସୃଷ୍ଟି ହେବ, ଯେଉଁମାନେ ସେମାନଙ୍କୁ ଆଗାମୀ ଭବିଷ୍ୟତରେ ସେମାନଙ୍କ ବ୍ୟବସାୟ ନିମନ୍ତେ ରାଜସ୍ୱ ସୃଷ୍ଟି କରିବାରେ ସାହାଯ୍ୟ କରିପାରିବେ ।