କନକ ବ୍ୟୁରୋ: : ଗିରଫ ହେଲେ ଅନୁଗୁଳ ସହକାରୀ ଯନ୍ତ୍ରୀ ରାମଚନ୍ଦ୍ର ଶତପଥୀ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ବାନ୍ଧିଲା ଭିଜିଲାନ୍ସ । ରେଡ୍ ବେଳେ ଘରୁ ବାହାରିଲା ପୁଳାପୁଳା ସୁନା ଓ ଟଙ୍କା । ଚଢାଉରେ ମିଳିଥିଲା ନଗଦ ୨୩ ଲକ୍ଷ ୯୫ହଜାର ଟଙ୍କା ଓ ୩୫୦ ଗ୍ରାମର ସୁନା ଗହଣା । ସେହିପରି ୨୨ଟି ପ୍ଲଟ୍ ସମେତ ୧ କୋଟିରୁ ଅଧିକ ନଗଦ ଜମା ଥିବା ଜଣାପଡିଥିଲା । ଆଠମଲ୍ଲିକ ବ୍ଳକର ସହକାରୀ ନିର୍ବାହୀ ଯନ୍ତ୍ରୀ ରାମଚନ୍ଦ୍ର ଶତପଥୀଙ୍କ ୯ଟି ସ୍ଥାନରେ ଗତକାଲି ଚଢ଼ାଉ କରିଥିଲା ଭିଜିଲାନ୍ସ ବିଭାଗ । ଢେଙ୍କାନାଳ ସମେତ, ଅନୁଗୁଳ, କଟକ ଓ ଭବାନୀପାଟଣାର ୯ ଟି ସ୍ଥାନରେ ଚଢ଼ାଉ ହୋଇଥିଲା । ଚଢାଉ ବେଳେ ତାଙ୍କ ଜ୍ବାଇଁ ତପନ କୁମାର ତ୍ରିପାଠୀଙ୍କ ଘରୁ ମିଳିଥିଲା ନଗଦ ୨୨ ଲକ୍ଷ ଟଙ୍କା ।