ଦେବଗଡ଼ ନୂଆଗାଁରେ  ଚାଞ୍ଚଲ୍ୟ, ହତ୍ୟାକାଣ୍ଡ ପରେ ମୃତଦେହକୁ ତାଲା ପକାଇ ଥାନାରେ ଆତ୍ମସମର୍ପଣ କଲା ଅଭିଯୁକ୍ତ

କନକ ବ୍ୟୁରୋ: ଦେବଗଡ଼ ଥାନା ନୂଆଗାଁରେ ଚାଞ୍ଚଲ୍ୟ ।  ଘର ଭିତରେ ଜଣେ ବ୍ୟକ୍ତିଙ୍କ ତଣ୍ଟି କାଟି ହତ୍ୟା କରାଯାଇଥିବା ଅଭିଯୋଗ ହୋଇଛି । ମୃତକ ହେଲେ ନୂଆଗାଁ ଗ୍ରାମର ରତନ ପ୍ରଧାନ ।  ହତ୍ୟାକାରୀ ହେଲେ ସେହି ଗାଁର ପଞ୍ଚାନନ ସୁହୁଳା ।

ଦୁହିଁଙ୍କର ବୟସ ୫୦ ବର୍ଷ । ତେବେ ପଞ୍ଚାନନ ରତନକୁ ହତ୍ୟା କରିବା ପରେ ମୃତଦେହକୁ ଘରେ ତାଲା ପକାଇ ଥାନାରେ ଆତ୍ମସମର୍ପଣ କରିଛି । ଘର ଭିତରେ ବଳି ଦେଇଥିବା ଅଭିଯୋଗ କରି ବନ୍ଦ ଘରକୁ ଭାଙ୍ଗିଛନ୍ତି ଉତ୍ୟକ୍ତ ଗ୍ରାମବାସୀ । ଘଟଣା ସ୍ଥଳରେ ପୋଲିସ ପହଂଚି ବୁଝାବୁଝା କରିଛି । ତେବେ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି ।