ଆତଙ୍କ ଖେଳାଇଛି ଅଜଣା ଜ୍ୱର,ଗାଁରେ ଡାକ୍ତରୀ ଟିମ ଗଠନ ନେଇ ଅଧିକାରୀଙ୍କ ସୂଚନା

କନକବ୍ୟୁରୋ: ଜ୍ବରରେ ଆକ୍ରାନ୍ତ ୩୦ ପରିବାର । ଗଜପତି ଜିଲ୍ଲା ମୋହନା  ବ୍ଲକ ବିରିକୋଟ ଗାଁରେ ଆତଙ୍କ ଖେଳାଇଛି ଏହି ଅଜଣା ଜ୍ବର । ଗାଁ’ର ୯ ଓ ୧୦ ନମ୍ୱର ୱାର୍ଡରେ ବସବାସ କରୁଥିବା ୪୦ରୁ ଊର୍ଦ୍ଧ୍ବ ମହିଳା ଓ ପୁରୁଷ ଜ୍ୱରରେ ପୀଡ଼ିତ ହୋଇ ରହିଛନ୍ତି । 

ପ୍ରଥମେ ଜ୍ୱର ତା’ ପରେ ଗୋଡ଼ ହାତ ବିନ୍ଧା ସହ ଗୋଡ଼ ହାତ ଫୁଲିଯାଉଥିବା ଅଭିଯୋଗ କରିଛନ୍ତି ଆକ୍ରାନ୍ତ ମହିଳା। କିଛି ଲୋକେ ମେଡ଼ିକାଲରେ ଚିକିତ୍ସିତ ହେଉଥିବା ବେଳେ ଅଧିକାଂଶ ଲୋକେ ଘରେ ପଡ଼ି ରହିଛନ୍ତି । 

କେଉଁ କାରଣରୁ ଏହି ରୋଗ ବଢ଼ିବାରେ ଲାଗିଛି, ତାକୁ ନେଇ ଭୟଭୀତ ଅଛନ୍ତି ଗ୍ରାମବାସୀ । ଏକ ଡ଼ାକ୍ତରୀ ଟିମ୍ ଗଠନ କରି ତଦନ୍ତ କରାଯିବ ବୋଲି କହିଛନ୍ତି ବିରିକୋଟ ମେଡିକାଲ ଅଧିକାରୀ ।