ବାଇକ ଉପରେ ଚଢିଗଲା ତେଲ ଟ୍ୟାଙ୍କର ;  ୨ ବାଇକ ଆରୋହୀଙ୍କ ମୃତ୍ୟୁ ।

କନକ ବ୍ୟୁରୋ:  କେନ୍ଦ୍ରାପଡ଼ା ଅଁଳା ବାଙ୍କ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ବାଇକ୍ ଉପରେ ଚଢିଗଲା ତେଲ ଟ୍ୟାଙ୍କର। ଦୁର୍ଘଟଣାରେ ଦୁଇ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ଚଣ୍ଡିଖୋଲରୁ କେନ୍ଦ୍ରାପଡ଼ା ଅଭିମୁଖେ ଆସୁଥିବା ଏକ ବାଇକ୍‌କୁ ତେଲ ଟ୍ୟାଙ୍କର ପଛ ପଟୁ ଧକ୍କା ଦେଇଥିଲେ । ମୃତକ ହେଉଛନ୍ତି, କୁଜଙ୍ଗର ଭବାନୀ ପ୍ରସାଦ ମହାପାତ୍ର ଓ ଅନ୍ୟ ଚାନ୍ଦବାଲି ଅଞ୍ଚଳର ବୋଲି ଜଣାପଡିଛି । ଧକ୍କା ଦେଇଥିବା ଗାଡିକୁ ସ୍ଥାନୀୟ ଲୋକେ ଅଟକ ରଖି ପୋଲିସକୁ ଖବର ଦେଇଥିଲେ ।  ପୋଲିସ ବିଳମ୍ୱରେ ପହଞ୍ଚିବାରୁ ଉତ୍ତେଜନା ପ୍ରକାଶ ପାଇବା ସହ ସ୍ଥାନୀୟ ଲୋକେ ରାସ୍ତା ରୋକ୍ କରିଛନ୍ତି ।