କନକ ବ୍ୟୁରୋ: ଭାରତରେ ଗୋମାତାକୁ ସର୍ବୋଚ୍ଚ ସ୍ଥାନ ଦିଆଯାଇଛି । ଏକଥା ଆମେ ସମସ୍ତେ ଜାଣୁ । କିନ୍ତୁ ଜାଣନ୍ତି କି କିଛି ସ୍ଥାନରେ ଗାଈଙ୍କୁ ପୁରା ରାଜକୀୟ ଢଙ୍ଗରେ ରଖାଯାଉଛି , ଯାହା ଜାଣି ଆପଣ ଆଶ୍ଚର୍ଯ୍ୟ ହୋଇପାରନ୍ତି ।

Advertisment

ଫଟୋରେ ଦେଖୁଥିବା ଏହି ଗାଈ ହେଉଛି ନେଦରଲ୍ୟାଣ୍ଡର ଏକ ପ୍ରଜାତି । ଏହାକୁ ସନ୍ତୁଳିତ ତାପମାତ୍ରା ଥିବା ଘରେ ରଖାଯାଉଛି, ଯେଉଁ ଦିନ ସାରା ତାପମାତ୍ରା ନିୟନ୍ତ୍ରିତ ରୁହେ । ଗାଈ ପାଇଁ ରହିଛି ଗଦି, ଏୟାର କୁଲର ସିଷ୍ଟମ୍ ଓ ସଫାସୁତୁରା ମାହୋଲ । କେବଳ ରହିବା ପାଇଁ ନୁହେଁ ଖାଇବା ପିଇବାରେ ବି ବେଶ୍ ଯତ୍ନ ନିଆଯାଉଛି ।ଏହି ଗାଈ ପ୍ରତିଦିନ କେବଳ ଆରଓ ଶୁଦ୍ଧ ପାଣି ପିଉଥିବାବେଳେ ଦେଶୀ ଚଣା, ଘାସ, ମନେରାଲ ମିକ୍ସଚର, ଆୟୁର୍ବେଦିକ ପୋଷକ ଥିବା ଖାଦ୍ୟ ଦିଆଯାଉଛି । ଏସବୁ ଖାଦ୍ୟର ପ୍ରତ୍ୟକ୍ଷ ପ୍ରଭାବ କ୍ଷୀର ଉପରେ ପଡ଼ୁଛି   ଏବଂ ଏହାର କ୍ଷୀର ସବୁଠୁ ପ୍ରକୃଷ୍ଟ ବୋଲି କୁହାଯାଉଛି ।

ମନରେ ପ୍ରଶ୍ନ ଆସିବା ସ୍ବାଭାବିକ, ଏ ଗାଈର କ୍ଷୀର ଦର କେତେ ହୋଇଥିବ? ଏହି ଗାଈର ଲିଟରେ କ୍ଷୀରର ଦର ୨ହଜାର ଟଙ୍କା ରହିଛି । ଧନୀକ ଶ୍ରେଣୀର ବ୍ୟକ୍ତ, ବିଗ୍ ବି ଅମିତାଭ ବଚ୍ଚନଙ୍କ ଠାରୁ ଆରମ୍ଭ  କରି ସଚ୍ଚିନ ତେନ୍ଦୁଲକର, ନୀତା ଅମ୍ବାନୀ, ସଲମାନ୍ ଖାନଙ୍କ ଘରକୁ ଏହି ଗାଈର କ୍ଷୀର ଯାଉଛି । ଅନ୍ୟ କେତେକ ଧନୀର ଶ୍ରେଣୀର ବ୍ୟକ୍ତି ମଧ୍ୟ ଏହି ଗାଈର କ୍ଷୀର କିଣୁଥିବା ଜଣାପଡ଼ିଛି ।