କଂଗ୍ରେସ ନେତା କରୁଛନ୍ତି କି ଭୋଟ୍ ଚୋରି? ଅମିତ ମାଲବୀୟଙ୍କୁ ପବନ ଖେଡ଼ାଙ୍କ ଜବାବ

କନକ ବ୍ୟୁରୋ: ବିଜେପିର ରାଷ୍ଟ୍ରୀୟ ମୁଖପାତ୍ର ଅମିତ ମାଲବୀୟ କଂଗ୍ରେସ ଏବଂ କଂଗ୍ରେସ ନେତାଙ୍କ ବିରୋଧରେ ଆଣିଛନ୍ତି ଗମ୍ଭୀର ଅଭିଯୋଗ । ସୋସିଆଲ୍ ମିଡିଆ ପ୍ଲାଟଫର୍ମ ଏକ୍ସରେ ଏକ ପୋଷ୍ଟ ସେୟାର କରି ସେ ଦାବି କରିଛନ୍ତି ଯେ, କଂଗ୍ରେସ ମୁଖପାତ୍ର ପବନ ଖେଡାଙ୍କ ପାଖରେ ଦୁଇଟି ଭୋଟର ଆଇଡି କାର୍ଡ ରହିଛି । ଯାହାକି ନିୟମର ଉଲ୍ଲଙ୍ଘନ ଅଟେ ।

ମାଲବୀୟ ଆହୁରି ମଧ୍ୟ କହିଛନ୍ତି ଯେ, ରାହୁଲ ଗାନ୍ଧୀ ଲଗାତାର ଭୋଟ୍ ଚୋରି ହେବା ନେଇ କହୁଛନ୍ତି । ହେଲେ ବାସ୍ତବିକ କଥା ହେଉଛି, କଂଗ୍ରେସର ନେତା ନିଜେ ନିୟମ ଭାଙ୍ଗୁଛନ୍ତି । ଏହାସହ ସେ ସୋନିଆ ଗାନ୍ଧୀଙ୍କୁ ଟାର୍ଗେଟ୍ ମଧ୍ୟ କରିଛନ୍ତି । ଭାରତୀୟ ନାଗରିକ ହେବା ପୂର୍ବରୁ ତାଙ୍କ ନାଁ ବାରତର ଭୋଟର ଲିଷ୍ଟରେ ଥିଲା ବୋଲି ସେ କହିଛନ୍ତି । ତେବେ ଅମିତ ମାଲବୀୟଙ୍କ ଏପରି ଅଭିଯୋଗ ପରେ ପବନ ଖେଡ଼ା ମଧ୍ୟ ସୋସିଆଲ୍ ମିଡିଆରେ ଭିଡିଓ ସେୟାର କରିବା ସହିତ ଏହାର ପ୍ରତିକ୍ରିୟା ରଖିଛନ୍ତି ।

#WATCH | In a tweet, BJP leader Amit Malviya claims that Congress Pawan Khera holds two active EPIC numbers (in Jangpura and New Delhi Assembly Constituencies).

Pawan Khera says, "This is exactly what the Congress party is saying. This is the question that we are raising… pic.twitter.com/jxKcTAfy9Z

— ANI (@ANI) September 2, 2025

ପବନ ଖେଡା ଅମିତ ମାଲବୀୟଙ୍କ ଅଭିଯୋଗ ଉପରେ ପ୍ରତିକ୍ରିୟା ରଖି କହିଛନ୍ତି, କଂଗ୍ରେସ ନିର୍ବାଚନ ଆୟୋଗଙ୍କ କାମ ଉପରେ ପ୍ରଶ୍ନ ଉଠାଉଛି । ହେଲେ ତାଙ୍କ ଜାଗାରେ ନୂଆଦିଲ୍ଲୀ ବିଧାନସଭା କ୍ଷେତ୍ରରୁ କିଏ ଭୋଟ୍ ଦେଉଛି ବୋଲି ସେ ପ୍ରଶ୍ନ କରିଛନ୍ତି । ଏହାସହିତ କିଏ ଏହି ବିଧାନସଭା କ୍ଷେତ୍ରରୁ ଭୋଟ୍ ଦେଉଛନ୍ତି, ତାର ସିସିଟିଭ୍ ଫୁଟେଜ୍ ଚେକ୍ କରିବାକୁ ପବନ ଖେଡ଼ା ଦାବି କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ସେ ୨୦୧୬ରୁ ସିଫ୍ଚ ହୋଇସାରିଲେଣି । ନୂଆଦିଲ୍ଲୀ ଆସନରୁ ତାଙ୍କ ନାଁ କାଟିବା ନେଇ ସେ ସମସ୍ତ କାମ କରିଥିଲେ । ହେଲେ ତାଙ୍କ ଜାଗାରେ ଏବେ କିଏ ସେଠାରୁ ଭୋଟ୍ ଦେଉଛି ବୋଲି ପବନ ଖେଡ଼ା ପ୍ରଶ୍ନ ଉଠାଇଛନ୍ତି ।

ବିଜେପିର ରାଷ୍ଟ୍ରୀୟ ମୁଖପାତ୍ର, ପ୍ରଦୀପ ଭଣ୍ଡାରି କହିଛନ୍ତି ଗତ କିଛି ଦିନ ହେଲା ରାହୁଲ ଗାନ୍ଧୀ ଦେଶର କୋଣ ଅନୁକୋଣ ବୁଲିବା ସହିତ ସାଧାରଣ ନାଗରିକମାନେ ମିଛୁଆ ଏବଂ ଚୋର ବୋଲି କହୁଛନ୍ତି । ହେଲେ ଅନ୍ୟପଟେ କିନ୍ତୁ କଂଗ୍ରେସ ଦଳର ନେତାମାନେ ନିଜ ପାଖରେ ଦୁଇ ଦୁଇଟି ଭୋଟର ଆଇଡି କାର୍ଡ ରଖୁଛନ୍ତି । ରାହୁଲ ଗାନ୍ଧୀଙ୍କ ନିକଟତମ ଲୋକମାନେ ଭୋଟ୍ ହେରାଫେରି କରୁଛନ୍ତି ବୋଲି ସେ କହିଛନ୍ତି ।